________________
શાંતિદાસ નગરશેઠ
હા, કેલેન્ડરના ડટ્ટાનાં પાનાં ફાડવામાં આવે છે. કાળના કેલેન્ડરમાં પણ એ રીતે રાજાઓ, બાદશાહો કે શાસનકર્તાઓનાં શાસન બદલાતાં રહેતાં હોય છે.
કોને સ્મરવા અને કોને વિસ્મરવા?
હા, મેવાડ પર આ સલ્તનતના બાદશાહ બહાદુરશાહે ચઢાઈ કરી. ત્યારે મેવાડની મહારાણીએ દિલ્હીના બાદશાહ હુમાયુ પર રાખડી મોકલી.
રાખડી એટલે કાચા સૂતરના તાંતણે ભાઈ અને બહેનના પ્રેમનું બંધન!
બાદશાહ હુમાયુને મેવાડની મહારાણીને મદદમાં લશ્કર મોકલ્યું.
મેવાડનો વિજય, બહાદુરશાહનો પરાજય. . હુમાયુન ત્યારે મહેમાન બનીને મેવાડની મુલાકાતે આવ્યો હતો. એ સમયે તેમણે ગુજરાતની પણ ઊડતી મુલાકાત લીધી. પાટનગર અમદાવાદને પણ તેણે જોયું. અમદાવાદનાં વખાણ તેણે ઘણાં સાંભળ્યાં હતાં. અમદાવાદને નજરે નિહાળતાં તેને અમદાવાદની જાહોજલાલી મનમાં વસી ગઈ.
બસ, દિલ્હીના બાદશાહની દાઢ સળવળી. પછી તો અકબર દિલ્હીની ગાદી પર બેઠો.
ત્યારે અમદાવાદમાં સુલતાન મુઝફફરશાહ ત્રીજો રાજ્ય કરે. ઈ.સ. ૧૫૮૩થી માંડીને ૧૫૯૨ સુધીમાં નવ વર્ષના સમયમાં દિલ્હીનાં લશ્કરી ધાડાં અમદાવાદ
