________________
અપર્વવચનસિદ્ધિ
આ પ્રસંગ-૪
સમયઃ-૧૯૮૬ સ્થળઃ મહુવા વિ.સં.૧૯૮૫ ની સાલનું ચાતુર્માસ પૂર્ણ થતાં મહુવાના સંઘે જુદા જુદા દિવસે ત્રણ સ્થળે પૂ. શાસનસમ્રાટશ્રીનું ચાતુર્માસ પરિવર્તન કરાવેલ છે. પ્રથમ લાભ-ચરમતીર્થ પતિ શ્રી જીવન સ્વામી જિનાલયની સામેની શેરીમાં શ્રી ગુલાબચંદ વિઠલભાઈએ લીધેલ. જયારે બીજો લાભ શેઠ શ્રી હરજીવનદાસ છગનલાલે તે જ લત્તામાં એમનું ઘર હતું ત્યાં લીધેલ. અને ત્રીજો લાભ પૂ. શાસન સમ્રાટશ્રીના લઘુબંધુ શ્રી બાલચંદ લક્ષ્મીચંદ વગડાએ લીધેલ. એઓ તોરણીઆકુવા પાસે રહેતા હતા.
શેઠશ્રી હરજીવનદાસ છગનલાલ નું ઘર ઘણું જ મોટું હતું. એ સમયે પૂ. શ્રીની સાથે લગભગ ૪૫ સાધુઓનો વિશાળ પરિવાર હતો.
એક હોલમાં પૂ. શ્રી પાટ ઉપર બિરાજેલ. બપોરનો સમય હતો. નજદીક ના એક રૂમમાં પૂ. આ. શ્રી વિજ્ઞાનસૂરીશ્વરજી મહારાજ સ્વશિષ્યો સાથે બેઠા હતા. એ સમયે એઓશ્રીના બે મુખ્ય શિષ્યો હતા. એક તો હતા. પૂ. કસ્તૂરવિજયજી મ. શ્રી. (પૂ. કસૂર સૂ.મ.) અને બીજા હતા મુનિ શ્રી વલ્લભવિજયજી મ. એમનું શરીરસૌષ્ઠવ સુંદર હતુ. પ્રચંડકાયા, પ્રભાવશાળી વ્યક્તિત્વ પણ હતું. એ રાજસ્થાની હતા. એટલે હીન્દીભાષામાં જ એમનો ઘણો ખરો વ્યવહાર હતો.
બપોરના લગભગ ત્રણ સાડા ત્રણનો સમય હશે. પૂ. વિજ્ઞાન સૂ. મ. શ્રી પોતાના પ્રથમ શિષ્યને (તે સમયે) વારંવાર એ કસ્તૂર એ કસૂર એમ કરી બોલાવે. પૂ. વલ્લભવિજયજીને ખાસ પ્રસંગેજ
