________________
અણધાથી કરી
સમયઃ ૧૯૦૮ સ્થળઃ ખંભાત શકરપુર. વિ.સંવત્ ૧૯૭૮ ની સાલની આ વાત છે. ખંભાત શ્રી સંઘના અતિઆગ્રહથી પૂ. શાસન સમ્રાટ શ્રીનું ચાતુર્માસ ખંભાત જૈનશાળા ટેકરી એ થએલ આ અરસામાં પૂ. શ્રી ના વિદ્વાન શિષ્ય મુનિરાજ શ્રી કીર્તિ વિજય મહારાજશ્રીને અશાતા વેદનીયોદયે ક્ષયરોગ લાગુ પડેલ.આ ચોમાસામાં દિનપ્રતિદિન શરીર ક્ષીણ થતાં આયુષ્ય પૂર્ણ થતાં નમસ્કાર મહામંત્રનું સ્મરણ કરતાં કાળધર્મ પામેલ.
જૈન શાળાના સંઘે એઓશ્રીના અગ્નિસંસ્કાર માટે ખંભાત શહેરની પૂર્વતરફ આવેલ શકરપુરની વાડી પાસેની જગ્યા પસંદ કરી. અને ત્યાં અગ્નિ સંસ્કાર કર્યો એ મહાપુરુષની સ્મૃતિ માટે એકગુરુમંદિર બાંધવા અંગે પણ વિચારણા થઈ આ શકરપુરમાં આવેલ વાડીની અંદર બે જિનાલય અને ખંડેર જેવી ધર્મશાળા હતી. આ વાડીમાં આવેલ શ્રી ચિંતામણી પાર્શ્વનાથ પ્રભુ અને શ્રી સિમંધર સ્વામીના લાકડાના દેરાસરો અતિ જીર્ણ થઈ જવાના કારણે ત્યાંથી પ્રતિમાજી મહારાજ ના બિંબોનું ઉત્થાપન કરી શહેરના જીરાવળા પાડામાં આવેલ ચિંતામણિજીના દહેરાસરોમાં લઈ જવા અંગે ખંભાતનો સંઘ વિચારણામાં હતો. પૂ. શ્રીની એ વાતની જાણ થતાં જૈન શાળા અગ્રણી વહીવટકર્તા શેઠ શ્રી કસ્તૂરભાઈ અમરચંદને બોલાવ્યા. અને એ દેરાસરોના જીર્ણોદ્ધાર કરવા અંગે ઉપદેશ આપ્યો અને એ બન્ને દેરાસરોની પાસે ખાલી જમીનમાં પૂ. કીર્તિવિજય મહારાજની સ્મૃતિ અર્થે ગુરુ મંદિર બાંધવાનો Rપણ ઉપદેશ આપ્યો.
૬૭