________________
શુભદિવસે શુભ મુહૂર્ત પૂ.શ્રીના હાથે પુન:પ્રતિષ્ઠા થઈ. સાંજે માકુભાઈ શેઠ તરફથી નવકારશી પણ થઈ. લશ્કરની હાજરીના કારણે ઘણાબધા લોકો આજુબાજુની ભાવિ–પીપાડ–બિલાડાથી આવ્યા હતા.
પ્રતિષ્ઠાનું મંગળકાર્ય પત્યાબાદ ઝાટ લોકો તરફથી ધોળી ધજા લઈ એક જણ સુલેહ અર્થે આવ્યો. એક તરફ સુલેહની વાટાઘાટો એ લોકોએ શરૂ કરી જ્યારે બીજી તરફ એ ઝાટ લોકોએ મંદિરમાંથી ભૈરવ વિગેરે મૂર્તિ હટાવવા વિરુદ્ધ બિલાડાની કોર્ટમાં કેસ દાખલ કર્યો. હાકેમ સાહેબ બાદરમલજીએ જૈનો તરફ ચુકાદો જાહેર કર્યો. પરંતુ એથી સંતોષ ન થતાં જોધપુરની કોર્ટમાં ફરી કેસ દાખલ કર્યો અને રજૂઆત કરી કે જૈનોને ભૈરવજી વગેરે દેવોની મૂર્તિઓ હટાવવાનો કોઈ જ અધિકાર નથી. બન્ને પક્ષની દલીલો સાંભળ્યા બાદ ન્યાયધીશ સાહેબે ચુકાદો જાહેર કર્યો કે મંદિર જૈનોનું જ છે એમાં બેમત નથી. ભૈરવજી વિગેરે દેવો પણ એઓના જ દેવ છે એમ પુરવાર થાય છે એથી જેની જગ્યા હોય એ એમની ચીજવસ્તુઓ ફેરવવા એ લોકો કુલમુખત્યાર છે ઝાટ લોકોના હાથ હેઠા પડયા. જૈનોનો યશસ્વી વિજય થયો.
આ રીતે પ્રાણાંત કષ્ટ વેઠીને શ્રીકાપરડાજી તીર્થનો પુનરુદ્ધાર કર્યો અને કાયમ માટે એ ઝાટ લોકોનો ઉપદ્રવ કાયદાની રીતે પણ દૂર કર્યો. છેવટે સમાધાન ઉપર આવતાં પહેલાંની જે રજૂઆત હતી તે મુજબ બરાબર દેરાસરના પૂર્વ તરફના દરવાજાની સામે ગામના રાજમાર્ગની પેલી બાજુ સારું એવું મંદિર પણ બંધાવી આપ્યું. આજેય એ મંદિર હયાત છે.
જય કાપરડાજી–જય સ્વયંભૂપાર્શ્વનાથ-જયશાસનસમ્રાટ !”
નોંધઃ આ સમગ્ર વૃત્તાંત પૂ.શ્રીના પટ્ટધર પૂ. ઉદયસૂરિજી મહારાજ સાહેબ શ્રી તથા પૂ. વિજ્ઞાનસૂરિજી
મહારાજ શ્રી પાસેથી સાંભળેલી વાતો ઉપરથી રજૂ કરવામાં આવેલ છે.
૧૮