________________
ત્રણે મહાન જૈનમુનિઓએ મળી આ કાર્ય શરૂ કર્યું. ભાઈચંદભાઈને સમગ્ર કાર્યવાહી સમજાવવામાં આવી. ભાઈચંદભાઈએ પણ પ્રાણના ભોગે આ કાર્ય પાર પાડવા ઝંપલાવ્યું
પૂજ્યશ્રીએ ભાઈચંદભાઈને પહેલું કાર્ય એ સોંપ્યું કે તમારે પાલિતાણાના પહાડની પાછળના ચોક-દાઠા એજન્સી હકુમતના પ્રદેશમાં જ્યાં કામળીઆઓ વસે છે ત્યાં જઈ પ્રચાર કાર્ય શરૂ કરવું.
કામળીઆઓ એક જાતના રબારી. એ લોકો હજાર-પાંચસો બકરાંઓ રાખે; કોઈક વળી ભેંસો રાખે અને એ ડુંગરાઓમાં ચરાવી જીવન નિર્વાહ ચલાવે. ભાઈચંદભાઈએ ત્યાં જ એ લોકમાં પ્રચાર શરૂ કર્યો કે પાલિતાણાના ઠાકોર શેત્રુંજાના ડુંગર ઉપર કતલખાનું શરૂ કરવાના છે અને તમારા બકરાંઓ ત્યાં કપાશે. બકરાંઓ કપાઈ ગયા પછી તમો શેના પર રોજગારી ચલાવી રોટલો રળશો? એ અબુધ લોકો તો આ સાંભળી સમસમી ગયા એમાં પાછળથી આપણા પૂ.શ્રી એ પણ ત્યાં જઈ ઉપદેશ દ્વારા આ પ્રચાર કાર્ય શરૂ કર્યું. ધારી અસર પ્રચારની થઈ. એ લોકો ઘાસના બાંધેલ ઝુંપડામાં ૨૦-૨૫ના જુથમાં રહે. એ જગ્યા નેસ કહેવામાં આવતો એવા સાતાનાનેસ. બોદાનાનેસ વિજાનાનેસ. વિગેરે ગામો અને ભંડારીઆ મોરચુપણાના પણ કામળીઆઓ આ સાંભળી ઉકળી ઉઠયા. અને પૂ.શ્રી પાસે પાણી મૂકહ્યું કે ભલે લોહી રેડાય પરંતુ શેત્રુંજાના ઉપર ઠાકોરને કોઈપણ ભોગે કતલખાનું નહીં જ કરવા દઈએ.
આ બાજુ હારેલ જુગારી બમણું રમે એમ માનસિંહજીએ શત્રુંજયની ઉપર ઈગારશાપીરની બરાબર સામે પૂર્વદિશામાં જ્યાં એક મેદાન જેવું છે ત્યાં કતલખાનું બાંધવા મનસુબો કર્યો અને એ અંગે તૈયારીઓ પણ છે