________________
અભિવંદના
ગોંડલગચ્છ શિરોમણી, નેત્રજ્યોતિ પ્રદાતા
ગુરુદેવ પૂ. શ્રી જયંતમુનિજી મ.સા.ના ચરણોમાં ભાવવંદના...
પૂ. ગુરુદેવે ૫૦ વર્ષ જેટલા સુદીર્ઘ સમય સુધી પૂર્વભારતમાં બિરાજમાન રહીને ભગવાન મહાવીર સ્વામીના નામનો જયજયકાર કર્યો છે. પૂર્વભારતમાં ૨૮-૩૦ જેટલા ધર્મસ્થાનકોનું નિર્માણ, ૫૦ જેટલા સંઘોની સ્થાપના તથા જનસમાજમાં અહિંસાના સંસ્કારોનું સિંચન કરીને અહિંસા સંઘની સ્થાપના કરી છે.
પૂર્વભારતના વ્યાપક વિહાર દરમ્યાન પૂ. ગુરુદેવે બંગાળ અને બિહારના આદિવાસીઓની નિઃસહાયતા અને નિરક્ષરતાના દારુણ દૃશ્યો જોયા. તેમના અંતરમાંથી કરૂણાનો સ્રોત પ્રવાહિત થયો. પેટરબારને પોતાની કર્મભૂમિ બનાવી. તેમની પ્રેરણાથી પૂજ્ય જગજીવનજી મહારાજ ચક્ષુ ચિકિત્સાલયની સ્થાપના થઈ. અહીં શૈક્ષણિક અને તબીબીક્ષેત્રે જનહિતના કાર્યો અવિરતપણે ચાલી રહ્યા છે.
બોકારો અને પૂ. ગુરુદેવની જન્મભૂમિ દલખાણિયા ગામમાં અદ્યતન શાળાની સ્થાપના થઈ છે. પેટરબારમાં જ્યોતિ સરસ્વતી વિદ્યાલયમાં અનેક બાળકો સ્કૂલના અભ્યાસ સાથે માનવતાના સંસ્કાર પામી રહ્યા છે.
પૂ. ગુરુદેવ સમાોપકાર સાથે શ્રુતસેવા પણ કરી રહ્યા છે. તેઓશ્રીના ચિંતનસભર અનેક પુસ્તકો પ્રકાશિત થયા છે. તે જ રીતે આત્મસિદ્ધિશાસ્ત્ર પર મહાભાષ્યનું લેખન કરાવી તેઓએ શ્રુતજ્ઞાનની પાવનગંગા વહાવી છે.
પૂજ્યશ્રીએ નેત્રજ્યોતિપ્રદાતા' અને ‘પરમદાર્શનિક' ઉપનામને સાર્થક કર્યું છે.
પુસ્તક સંપાદનના પ્રર્ણ સહયોગી મહાપ્રજ્ઞા પૂ. વીરમતીબાઈ મ., ડૉ. આરતીબાઈ મ. આદિ ઠાણા તથા પ્રકાશક શાંતાબેન ચીમનલાલ બાખડા પરિવારનો અમે આભાર માનીએ છીએ. પૂજ્ય ગુરુદેવના આશીર્વાદ અને પ્રેરણાથી આ સંસ્થા ઉત્તરોત્તર પ્રગતિ કરતી રહે એ જ
ભાવના...
પૂ. તપસ્વી શ્રી જગજીવનજી ’મહારાજ ચક્ષુચિકિત્સાલય—પેટરબાર
ટ્રસ્ટીગણ
શ્રીમતી પુષ્પાદેવી જૈન શ્રી પ્રાણભાઈ મહેતા શ્રી અશોકભાઈ જૈન શ્રી પ્રવીણભાઈ પારેખ
વિનુભાઈ શાહ શાંતિલાલજી જૈન
શ્રી
શ્રી
શ્રી બિપીનભાઈ ભીમાણી
શ્રી દિલેશભાઈ ભાયાણી
