Aalochana

SR No.: 005936
Original Sutra Author: N/A
Author: Shantilal Sathambakar
Publisher: Sudhirbhai V Shah
Publication Year: 2013
Total Pages: 96
Language: Gujarati
Classification: Book_Gujarati
File Size: 8 MB

Page 6

અમારા પ.પૂ. સ્વ. પિતાશ્રી ડૉ. વાડીભાઈ જે. શાહ એક અત્યંત સફળ ડૉક્ટર હોવા ઉપરાંત જીવનના સર્વાગી વિકાસને વરેલા બહુમુખી પ્રતિભા સંપન્ન વ્યક્તિ હતાં. રોટરી ક્લબ, ભરૂચના પ્રેસિડેન્ટ, સાહિત્યકુંજનાં પ્રમુખ એવા અમારા પિતાશ્રીએ અમારા જીવનના સર્વાગી વિકાસમાં દરેક ક્ષેત્રે માર્ગદર્શન પૂરું પાડ્યું, અમને સાહિત્ય, સંગીત અને કળાની તાલીમ આપી. વૈયાવચ્ચ એ તેમનો જીવનમંત્ર હતો. બધા જ ધર્મના સંતોની તેમને જીવનભર નિસ્વાર્થભાવે સેવા કરી. ભરૂચના સંઘે તેમની સેવા બિરદાવી ગોલ્ડ મેડલ આપ્યો હતો. વધુ અભ્યાસ માટે ૩૬ વર્ષની ઉંમરે પરદેશ ભણવા ગયા તે તેમની ધગશ દર્શાવે છે. સાઉથ ગુજરાત યુનિવર્સિટીમાં વર્ષો સુધી નિર્ણાયક જજ તરીકેની સેવા આપી હતી. જિંદગીના અંતિમ ૧૨ વર્ષોમાં સ્વૈચ્છિક નિવૃત્તિ લઈ રોજ ૮ કલાક જ્ઞાનસાધના કરી. શાંતસુધારસ, ઉપમિતિ ભવપ્રપંચા, આગમો જેવા જૈન ગ્રંથોનો તલસ્પર્શી અભ્યાસ કર્યો. વળી ભગવદ્ગીતા ઉપરના ૧૭થી વધુ ટીકાના ગ્રંથો વાંચ્યા હતાં. આવા વિદ્વાન, કલામર્મજ્ઞ, ગરીબોના બેલી, દયાળુ, પ્રેમાળ પિતાના સંતાનો હોવાનું અને ગૌરવ અનુભવીએ છીએ..
સેવા સમર્પણ, ત્યાગ અને વાત્સલ્યની મૂર્તિ એવી માતા કે જેમણે અમને સંસ્કાર આપ્યા અને ધર્મમાં પ્રવૃત્ત કર્યા. રત્નકુક્ષી સમાન માતાએ વડીલોની ખૂબ જ સહૃદયતાથી સેવા કરી હતી. પોતાની જાતને કુટુંબ સાથે એકરૂપ કરી દીધી હતી. જીવનના પ્રત્યેક ક્ષેત્રમાં - શિક્ષણ, ધર્મ, ઇતર પ્રવૃત્તિઓમાં અમારી સાથે રહી અનેરી કોઠાસૂઝથી પ્રેરણા અને પ્રોત્સાહન આપતી રહી. અમને ચારેય જણને તેના હેત-વહાલનો સતત અનુભવ થતો, સાથે સાથે તેના પરિચયમાં આવનાર પ્રત્યેકને તેની કાળજીભરી હૂંફનો અનુભવ થતો. આવી તીર્થ સમાન માના ચરણમાં કોટિ કોટિ વંદન. સાચા અર્થમાં અમને લાગે છે કે “જનનીની જોડ સખી નહીં જડે રે લોલ.”
આવા અત્યંત વિચક્ષણ-વિદ્વાન પિતા તથા સેવા સમર્પણની અનન્ય મૂર્તિ સમાન માતાના ચરણોમાં શ્રદ્ધાસુમન અર્પતા અમે ચારેય કોટિ કોટિ વંદન કરીએ છીએ.
લિ.
અજય વાડીલાલ શાહ ડૉ. સુધીર વાડીલાલ શાહ
અ.સૌ. રશ્મિબેન મુકેશભાઈ શાહ
હિતેશ વાડીલાલ શાહ