________________
શ્રીમની પ્રતિભાનો પ્રકાશ, જેઓ સાચી સમજણવાળા છે, જેઓ અધ્યાત્મ તત્ત્વજ્ઞાનના પિપાસુ છે, જેઓ શ્રદ્ધા સંપન્ન છે, જેમને વિવેકી-જ્ઞાન છે તેઓ જ પ્રાપ્ત કરી શકે છે.
શ્રીમદ્ જીવનકળાના લખાણ મુજબ તેઓશ્રી પૂર્વભવમાં ભગવાન મહાવીરના છેલ્લા શિષ્ય હતા એ વિધાન તેમની પ્રશાયુક્ત વાણીથી સાબિત થાય છે.
તેઓશ્રીની તીવ્ર પ્રતિભાથી સર્વદર્શનોના હાર્દને ટૂંકામાં સમજી, વીતરાગી દર્શનને સંપૂર્ણ સિદ્ધ કર્યું છે. “જૈન જેવું એકે દર્શન નથી તેમ જણાવી વીતરાગમાર્ગની પ્રભાવના કરી તેઓ જૈન વીતરાગ ધર્મના પ્રભાવક થયા છે.
– શ્રી અમરચંદ માવજીભાઈ શાહ
શ્રીમદ્ જન્મશતાબ્દી અંક
“શ્રીમદ્દ્ગી જીવન સિદ્ધિ' વિષે લખતાં આરંભમાં તો ખૂબ આનંદ મળ્યો પણ જેમ જેમ અભ્યાસ વધતો ગયો તેમ તેમ સમજાતું ગયું કે હું તો સાવ નાનકડી નાવ લઈને મહાસમુદ્ર તરવાની હામ ભીડી બેઠી છું ! અભ્યાસકાળ દરમ્યાન એટલું તો સમજાઈ ગયું કે જેટલું લખાયું છે તેનાથી અનેકગણું શ્રીમન્ના વચનોમાં ગર્ભિત છે અને તે પણ જેમજેમ આત્મદશા ઊંચી આવે તેમતેમ જ સમજાય છે.
શ્રીમદ્ભા સ્ફટિક સમા નિર્મળ જીવનને અને એમની હૃદયસ્પર્શી રચનાઓને સમજવામાં આ ગ્રંથ યત્કિંચિત પણ ઉપયોગી થઈ પડશે તો મારો આ શ્રમ કૃતકૃત્ય થયો માનીશ. બાકી, આ મહાનિબંધનું સર્જન કરતાં કરતાં મને સ્વ-પરના વિચાર-ચિંતન કરવાનો જે અલ્પ-સ્વલ્પ લહાવો મળયો છે. એ તો ક્યારેય ન વીસરી શકાય એવો છે.
તેમણે આધ્યાત્મિક મુમુક્ષુને આપેલી ભેટ એ તો સેંકડો વિદ્વાનોએ આપેલી સાહિત્યિક ગ્રંથારાશિની ભેટ કરતા વિશેષ મૂલ્યવંતી છે.
– સરયુ રજની મહેતા, પ્રથમ આવૃતિનું પ્રાકકથનમાંથી
31.