________________
પુનર્જન્મ નહિ માનનાર પુરુષોને આ શીઘ કવીશ્વરની અભૂત શક્તિ પુનર્જન્મ છે એમ માનવાને માટે પ્રત્યક્ષ અને સબળ પુરાવો છે. આપણા શીઘ કવીશ્વરની દિવ્ય સ્વાભાવિક શક્તિ માટે આપણા ભરતખંડી આર્યોએ અભિમાન ધરવા જેવું છે. ધન્ય છે એમની જન્મભૂમિને અને ધન્ય છે એમની જનેતાને !
– ધર્મ દર્પણ, યેષ્ઠ સં. ૧૯૪૧
આ એક જ પુસ્તક વાંચનથી જૈન-જૈનેતરોના હૃદય પ્રતિબોધ પામી વૈરાગ્યવાસિત બન્યા છે. પરણવાની તૈયારી કરતા મોભાદાર જૈનેતર ડૉક્ટર શ્રીમદ્ભા આ એક જ ગ્રંથ વાંચનથી પરણવાનું છોડી સંવેગી દીક્ષા લઈ ચાલી નીકળેલા, જે યોગનિષ્ઠ કેશર-વિજયજી મહારાજના શિષ્ય ધ્યાનમુનિ તરીકે જાણીતા છે. '
દેવયોગે શ્રીમતું પુસ્તક વાંચવા લીધું. જેમ જેમ વાંચન વધતું ગયું તેમ તેમ જગતની અનિત્યતા અને સંસારના ભવભ્રમણની વિચારધારાથી હૃદય વૈરાગ્ય-વાસિત બનવા લાગ્યું. એ દિવસોમાં કૈક રાત્રિઓ માયાના બંધનની અકળામણે રડી રડીને મેં પસાર કરી છે ને અશ્રુઓથી પથારી ભીંજવી નાંખી છે. એ દિવસો સાથે આજની દિશા સરખાવું છું ત્યારે મને મારી જાત પર ભારે ધિક્કાર છૂટે છે.
મારા પૂર્વાનુભવથી હું કહી શકું છું કે જેમને એવી માનસિક-આત્મિક અનુકૂળતા છે એવાઓએ પાયાની ધર્મ કેળવણી માટે શ્રીમદ્ રાજચંદ્રનું વાંચન કરવું. ભલે પછી તે કોઈપણ મતનો કે પંથનો કેમ ન હોય. એમાં એમણે પોતાનો આત્મા રેડ્યો છે. એથી જ્ઞાન-વૈરાગ્યથી ભરપૂર આ ગ્રંથમાં આદિથી અંતસુધી કેવળ અધ્યાત્મનો શાંતરસ જ નીતર્યા કરે છે. જેનામાં સુદષ્ટિ છે એવા હર કોઈ વાચક એમાંથી રસના ઘૂંટડા પીને નવો જ પ્રકાશ પામે છે અને જીવનની ઉચ્ચ ભૂમિકા તરફ ઘસવાની પ્રબળ ઈચ્છા સેવતો બની જાય છે.
– રતિલાલ મફાભાઈ શાહ, માંડલ