________________
બે હરીફે
૧૩૫ “અરે, હું હજુ કહું છું કે, એ મુલાકાતથી સસેકસને કશો લાભ થયો નથી. ત્યાં પાસે ઊભેલા આપણા બાતમીદાર તરફથી મને ખબર મળી છે કે, સસેકસ ઉપર તે ઊલટાં રાણીજી ચિડાયાં છે. નાવમાં બેસતાં બેસતાં તે એવું બોલ્યાં હતાં કે, સેઝ-કોર્ટ પહેરેગીરોના પડાવ જેવું લાગતું હતું અને વીશી જેવું ગંધાતું હતું. આપ નામદારનાં હંમેશનાં પક્ષકાર કાઉન્ટસ ઑફ રટલૅન્ડે તે ઉમેરી આપ્યું કે, “૨મ-ગલીના ભઠિયારખાના જેવું જ ગંધાતું હતું, વળી.’ અને ધર્માચાર્ય લૉર્ડ ઑફ લિંકનને તે ડહાપણ ડહોળ્યા વિના ચાલે નહિ, એટલે તે એમ મનાવવા ગયા કે, “લૉર્ડ સસેકસ પરણ્યા નથી, એટલે એમનું ઘર એવું અવ્યવસ્થિત હોય તો દરગુજર કરવું જોઈએ.”
“અને રાણીજીએ શું કહ્યું?” લિસેસ્ટરે ઉતાવળે પૂછયું.
તે તો તકી જ ઊઠયાં અને બેલ્યાં, લગ્ન કરવાની શાસ્ત્ર ભલે પરવાનગી આપી છે, પણ તેની ફરજ ક્યાં પાડી છે? એટલે લૉર્ડ સસેકસને પત્ની શું કરવી છે કે તમારા જેવા ધર્માચાર્યો એવી વાત કરવાની શી જરૂર છે?”
રાણીને લગ્ન ગમતાં નથી, એટલે ધર્માચાર્ય લગ્ન વિષે વાત કાઢે તે શાની ગમે?”
“દરબારીઓ પણ લગ્ન વિષે વાત કાઢે છે તો તે તેમને કયાં ગમે છે?” વાર્નેએ ટાપશી પૂરી. પણ એ સાંભળી લિસેસ્ટરના મોઢાનો રંગ ઊડી ગયેલો જોઈ, તેણે ઝટ ઝટ ઉમેર્યું, “જે જે બાનુ રાણીજી પાસે હાજર હતી, તે બધીએ લૉર્ડ સસેકસના રસાલાની ખૂબ ઠેકડી ઉડાવી, અને સાથે સાથે ઉમેર્યું કે રાણીજી જો લૉર્ડ ઑફ લિસેસ્ટરને ત્યાં પધાર્યા હોત, તો તેમને જુદો જ અનુભવ થાત.”
તેં ઘણા ઘણા સમાચારો ભેગા કર્યા લાગે છે, પણ સૌથી અગત્યના સમાચાર તે તું ચૂકી જ ગયો લાગે છે – રાણીએ પોતાની આસપાસ ભમતાઘમતા નક્ષત્ર-મંડળમાં એક નવા ઉમેરો કર્યો છે.”
“આપ ડેનશાયરવાળા જુવાનિયા રૅલેની, એટલે કે દરબારમાં જેને જભાનો નાઈટ' કહે છે, તેની વાત કરો છો?”
૧. ફલીટ-પ્રીઝનને ફલીટસ્ટ્રીટ સાથે જોડતી ગલી. – સંપા.