________________
આત્મવિલોપન
૧૨૧ જીવન–અધિષ્ઠાતા શાન્તનુ આગળ આનું વર્ણન કર્યું.
દેવી, તમારા તેજસ્વી સ્વપ્નને અર્થ તે એ થાય છે કે સિંહ જેવા પરાક્રમી, ને સૂર્યના કિરણ જેવા પ્રકાશમય પુત્રની તમને પ્રાપ્તિ થશે.” સ્વપ્નના રહસ્યને પ્રગટ કરતાં શાંતનુએ કહ્યું.
ગંગાના રોમેરોમમાં પ્રમોદભાવ પ્રસર્યો, એ આ આનંદને જાણે જીરવી જ શકતી ન હતી. એણે નેહભર્યું નમન કર્યું અને પિતાના આરામગૃહમાં ચાલી ગઈ
તે દિવસથી એની જીવનચર્યાને જાણે એક નવું રૂપ આવ્યું. ગર્ભમાં રહેલા બાળકના જીવન પર માતાના વિચાર, ઉચ્ચાર અને આચારની કેવી તીવ્ર અસર થાય છે તે એ બરાબર જાણતી હતી.
હવે તે એક રસિક પત્ની ન હતી. એના જીવનઆકાશમાં માતૃત્વને ઉદય થઈ રહ્યો હતો. મદનને બદલે વાત્સલ્યના રંગે ખીલી રહ્યા હતા. તોફાનને બદલે સર્જનની શાન્તિભરી સાધના આકાર લઈ રહી હતી.
એણે પોતાના ચિન્તનમાં આદર્શોને આરોપ્યા. વિલાસને સ્થાને વિવેક મૂક્યો. શેષ મહિનાઓમાં પિતાના જીવનસવરની આસપાસ સંયમની પાળ બાંધી અને મહાન સર્જનની ગૌરવપૂર્ણ સાધના આદરી !
વિલાસી શાન્તનુને આ ફેરફાર આકરે લાગ્યું. ગંગાના રૂપલાવણ્ય પાછળ અવિરત ભ્રમરની જેમ ભમતું એનું મન અકળાવા લાગ્યું.