________________
શ્રી ધીરજલાલ શાહ
૨૮૯ ચાલુ રાખ્યા. અને છેવટે અંતઃ પ્રેરણા દ્વારા માર્ગદર્શન મળતાં તેઓ આ વિષયમાં ધારી પ્રગતિ કરી શકયા.
શ્રી ધીરજલાલભાઈ અવધાન પ્રયોગમાં કયા કમે આગળ વધી શતાવધાની બન્યા, તે પણ જોઈ લઈ એ. * - તેમણે સહુ પ્રથમ તા. ૯-૭–૩૪ ના રોજ ૧૮ અવધાન પ્રયોગો ગૂજરાતના સાઠંબા ગામમાં ત્યાંના સ્ટેટ મેનેજર શ્રી ત્રિકમલાલ એન. દવેની અધ્યક્ષતામાં કર્યા. આ વખતે પ્રસિદ્ધ વક્તા મુનિરાજ શ્રી વિદ્યાવિજયજી ત્યાં હાજર હતા. તેમણે આ પ્રયોગની પ્રશંસા કરી હતી અને હિમ્મતથી. આગળ વધવાને અનુરોધ કર્યો હતો. .
તે પછી તેમને મુંબઈ આવવાનું થતાં પાયધુન– આદીશ્વરજી જૈન ઉપાશ્રયમાં પ. પૂ. ઈતિહાસવિશારદ, આચાર્ય શ્રી વિજયેન્દ્રસૂરિજી મહારાજની અધ્યક્ષતામાં ૨૭ અવધાનપ્રયોગ કરી બતાવ્યા. તેની આચાર્યશ્રીએ પ્રશંસા કરી હતી અને ઉપસ્થિત જૈન જનતાએ વાહવાહ લાવી હતી.
તે પછી તેમને વડોદરા જવાનું થતાં ત્યાંની સાહિત્ય સભાના ખાસ આમંત્રણથી અનેક સાક્ષરો અને પ્રાધ્યાપક આદિની સમક્ષ તેમણે ૩૬ અવધાનપ્રયોગ કરી બતાવ્યા. અહીં પ્રશ્નો ઘણું કઠિન પૂછાયા હતા, પણ શ્રી ધીરજલાલભાઈ તેના ઉત્તરો આપવામાં સફળ થયા હતા. તેનાથી પ્રભાવિત થઈને સભાના પ્રમુખ પ્રા. અતિસુખશંકર કમલાશંકર ત્રિવેદીએ તેમને ધન્યવાદ પૂર્વક એક સુંદર પ્રમાણપત્ર... આપ્યું હતું.
