________________
સંપાદકીય
સ્વ. ચીમનલાલ ચકુભાઈ શાહ શ્રી મુંબઈ જૈન યુવક સંઘ સાથે છેક ઈ. સ. ૧૯૩૬ થી સંકળાયેલા હતા. પર્યુષણ વ્યાખ્યાનમાળાના એક વ્યાખ્યાતા તરીકે તેઓ ઈ. સ. ૧૯૩૬ થી એકાદ-બે અપવાદ સિવાય ઈ. સ. ૧૯૮૨ સુધી એટલે કે એમના દેહોત્સર્ગ સુધી સંકળાયેલા હતા. તદુપરાંત ઈ. સ. ૧૯૩૯ થી “પ્રબુદ્ધ જૈન” અને ઈ. સ. ૧૯૫૩ થી “પ્રબુદ્ધ જીવન માં જીવનને
વ્યાપકપણે સ્પશે એવા પ્રશ્નો અને રાષ્ટ્રીય તેમજ આંતરરાષ્ટ્રીય ઘટનાઓ વિશે એમના વિચારો પ્રગટ થતા રહ્યા હતા. છેલ્લા એક દાયકા જેટલા સમય તેઓ જૈન યુવક સંઘના પ્રમુખપદે રહ્યા હતા.
ઈ. સ. ૧૯૭૧ માં પરમાનંદ કુંવરજી કાપડિયાના અવસાન બાદ તેઓ પ્રબુદ્ધ જીવનના તંત્રી થયાં. તેટલે “પ્રબુદ્ધ જીવનમાં એમને નિયમિત લખવાનું થયું. આ રીતે એમણે લખેલા લેખોને એક સંચય “અવગાહન'ના નામે ઈ. સ. ૧૯૭૭ માં પ્રગટ કરવામાં આવ્યો હતો. ઈ. સ. ૧૯૮૨ માં એમનું અવસાન થયું. ઈ. સ. ૧૯૭૭ થી એમના દેહત્સર્ગ સુધીમાં એમણે લખેલા લેખોનું એક પુસ્તક “સમયચિંતન'ના નામે એમની પ્રથમ પુણ્યતિથિએ ઈ. સ. ૧૯૮૩ માં પ્રગટ કરવામાં આવ્યું હતું. પરંતુ તેમાં ઈ. સ. ૧૯૩૯થી ઈ. સ. ૧૯૭૧ સુધીમાં “પ્રબુદ્ધ જેન” કે “પ્રબુદ્ધ જીવનમાં પ્રગટ થયેલા એમના લેખો હજુ સુધી ગ્રંથસ્થ થયા ન હતા. આવા લેખોમાંથી ચિરંતન મૂલ્યવાળા લેખો તારવીને પુસ્તકરૂપે પ્રગટ કરવાને શ્રી મુંબઈ જૈન યુવક સંધની કારોબારી સમિતિએ નિર્ણય કર્યો અને એનું સંપાદનકાર્ય અમને સેપવામાં આવ્યું. એ માટે અમે શ્રી મુંબઈ જૈન યુવક સંધના ઋણી છીએ. - સ્વ. ચીમનભાઈની વિચારસરણી મૌલિક, સ્પષ્ટ અને તટસ્થ હતી. સ્વભાવે તેઓ ચિંતક હતા અને તત્ત્વજ્ઞાનના અભ્યાસી હોવાના કારણે વિષયના મૂળ સુધી જવાની એમની દૃષ્ટિ રહેતી. કાયદાના તેઓ નિષ્ણાત હતા એટલે સંક્ષેપમાં એકસાઈપૂર્વક લખવાને એમને મહાવરે હતા. એમની વિચારસરણી
