________________
મિત્રોને હું ખાતો નથી બર્નાર્ડ શૉને નૉબેલ પ્રાઇઝ મળ્યું ત્યારે એમના માનમાં એક પાર્ટી યોજાઈ. સારા ગૃહસ્થોને નિમંત્રણો અપાયાં. પાર્ટીના દિવસે આમંત્રિત સહસ્થોથી હૉલ ભરાઇ ગયો પ્રીતિભોજન આપનારાઓને એ ખબર ન હતી કે, બર્નાર્ડશૉ માનવતાના ઉપાસક એવા શાકાહારી છે.'
ભોજનની શરૂઆત થઈ પણ શૉ તો શાન્ત બેસી જ રહ્યા. કોઈ પણ વસ્તુને એમણે સ્પર્શ પણ ન કર્યો. એક સજ્જને કહ્યું “આપ કેમ કોઇ લેતા નથી? આપના માનમાં તો આ પાર્ટી છે. આપ ન લો તો શરુઆત કેમ થાય..?”
શોએ સાંભળનારના હૈયામાં કોરાઇ જાય એવો અને કદી ન ભૂલાય તેવો સાવ ટૂંકો ઉત્તર વાળ્યો:
હું માણસ છું મરેલા જીવોને દાટવા માટેનું કબ્રસ્તાન નથી! પ્રાણી મારા મિત્ર છે. મિત્રોને હું ખાતો નથી!
