________________
પુસ્તક મળ્યું તે એવું રસદાયી જણાયું કે સતત ત્રણ ક્લાકમાં મેં તેનું પ્રથમ વાંચન પૂરું કર્યું. આજના ડહોળાઇ ગયેલા વાતાવરણમાં આ પુસ્તકનો જેટલો વિશેષ ફેલાવો શાય તેટલો જૈન સમાજને લાભ થાય તેમ છે. ...છેવટમાં, જૈન ધર્મના તમામ ફીરકાઓના તમામ પૂ૰ સાધુ ભગવંતો તથા પૂ॰ સાધ્વીજી ભગવંતો જ્યાં જ્યાં વિચરતા હોય તે દરેક ઠેકાણે એક એક નકલ તો મોક્લવીજ રહીં.” એ પછી, પૂજ્ય મહારાજ સાહેબનો સંપર્ક સાધી, તેઓશ્રીની અનુમતિ મેળવીને, તેમણે પોતાના ખર્ચે એનું પુનર્મુદ્રણ કરાવ્યું અને પૂજ્ય સાધુ-સાધ્વીજીઓને, જ્ઞાનભંડારોને, લાયબ્રેરીઓને અને જિજ્ઞાસુઓને વિના મૂલ્યે એ વહેંચ્યું.
કદાચ પૂજ્ય મહારાજશ્રીનાં પ્રાણવાન પુસ્તકોનો રસાસ્વાદ તમે પૂર્વે માણ્યો હોય, તેમજ તેઓશ્રીનાં પ્રત્યક્ષ સત્સંગ કે પત્રવ્યવહાર દ્વારા તેઓશ્રીનું માર્ગદર્શન પણ મેળવ્યું હોય અને તેના સહારે આત્મવિકાસના પથ પર ઓછી-વત્તી પ્રગતિ યે તમે સાધી હોય. તો, સંભવ છે કે મારી જેમ જ તમે પણ આ પુસ્તકો વધુ ને વધુ હાથોમાં પહોંચે એ માટે કશુંક 'સક્રિય કરીને પૂજ્યશ્રી પ્રત્યેનું ઋણ અદા કરવા ઉત્કંઠિત હો, પણ એ ભાવનાને મૂર્તસ્વરૂપ કેમ આપવું એ મુઝવણ અનુભવતા હો. તો, પૂજ્યશ્રીનાં પુસ્તકો વિશાળ જનસમૂહ સુધી પહોંચાડવાના અમારા નમ્ર પ્રયાસમાં તમારો ફાળો આપી, સમ્યગ્નાનનાં પ્રસારણ-વિતરણના આ પુણ્યકાર્યમાં સહભોગી થવા અમારું તમને પ્રેમભર્યું આમંત્રણ છે.
મને શ્રદ્ધા છે કે શ્રી ગાંગજીભાઈ વોરાંના આર્થિક સહયોગથી રોપાયેલું ‘આત્મજ્યોત પ્રકાશન'નું આ નાનકડું બીજ, આપ સૌનાં પ્રેમભર્યા સાથ-સહકારથી, સમ્યજ્ઞાનની શીતળ છાયા આપતા વટવૃક્ષ રૂપે વિક્સશે.
૮/૧, એમ૰ કે લેઈન
મહાલ ત્રીજી ગલી મદુરાઈ ૬૨૫ ૦૦૧ જૂન ૧૧, ૧૯૮૪
સ્નેહાધીન હીરજી ધરોડ