Page Text
________________
પ્રકાશનની પાર્શ્વભૂમિકા ધર્મસ્નેહીં ભાઈશ્રી,
પ્રણામ
આ વિચારપ્રેરક ગ્રંથ તમારા હાથમાં મૂકવાનો મંગળ અવસર આજે મને પ્રાપ્ત થયો છે તે પ્રસંગે “આત્મજ્યોત પ્રકાશનની પાર્શ્વભૂમિકાની થોડી વાત તમારી સાથે કરી લેવાની તક લઉં છું.
ધર્મ કરવો જોઈએ એમ હમેશાં મારા મનમાં થયા કરતું હતું; પણ ધર્મ શું છે? અને ધર્મ શું નથી? એ સ્પષ્ટ સમજાતું ન હતું. દંક્ષિણ ભારતના છેડે, મદુરા જેવા ક્ષેત્રમાં જ્ઞાની સાધુ-સંતોનાં સત્સંગનો લાભ મળવો દુર્લભ છે. ધર્મમાર્ગનું સ્પષ્ટ માર્ગદર્શન આપે એવા સાહિત્યની પણ જાણકારી ન હતી.
દરમ્યાન, કામ પ્રસંગે મુંબઇ જવાનું થયું. મુંબઇમાં એક સ્નેહીને ઘેર આકસ્મિક અચિત-ચિંતામણિ નવકાર” પુસ્તિકા જોવા મળી. એ પુસ્તિકા મારફત પૂજ્યશ્રી અમરેન્દ્રવિજયજીનો પરોક્ષ સત્સંગ શરૂ થયો.
ત્યાર બાદ તેમના પુસ્તકો વિજ્ઞાન અને અધ્યાત્મ” “આત્મજ્ઞાન અને સાધનાપથ” ઈત્યાદિ પ્રત્યક્ષ જ્ઞાની ગુરુ રૂપે મારા માર્ગદર્શક બન્યા, ને મારા જીવનમાં શુભ વળાંક આવ્યો. મહારાજશ્રીનાં દર્શન અને પ્રત્યક્ષ સત્સંગની તક તો, તેઓશ્રી દક્ષિણ ગુજરાતમાં આવ્યા. ત્યારે જ હું મેળવી શકયો, પણ એમનાં પ્રેરક અને પથદર્શક સાહિત્ય દ્વારા તેમજ પત્રોની આપ-લે દ્વારા તેઓ સાધનાપથમાં મારી આંગળી પકડીને માર્ગ બતાવનાર રાહબર બન્યા ત્યારથી ધર્મ વિષયક મારી સમજણ અને જીવન પ્રત્યેની મારી દૃષ્ટિ સ્પષ્ટ થઈ અને જીવનમાં ઉપસ્થિત થતા વિવિધ સંઘર્ષો સામે ટકી રહેવાનું બળ મને મળતું રહ્યું.
પૂજ્યશ્રીનાં પુસ્તકો ધર્મની સાચી વૈજ્ઞાનિક સમજ આપનાર અને રોજિંદા માનવીય વ્યવહારોમાં જરૂરી પથદર્શન તથા પ્રેરણા આપનારાં છે એટલું જ નહિ, આપણને સુમાર્ગે દોરીને, “સ્વને જાણતા થવાની પ્રેરણાયે તે આપે છે. આથી, એ પુસ્તકો ઘેર ઘેર પહોંચે એવી ભાવના ઘણા સમયથી મારા મનમાં રમ્યા કરતી હતી, પણ એકલા હાથે એ મંગળ ભાવનાને મૂર્તિ સ્વરૂપ આપવું મારા માટે શકય ન હતું. મદુરાવાસી શ્રી ગાંગજી કુંવરજી વોરા (કચ્છ સમા-ઘોઘાવાલા) ને એ વાત જણાવતાં, શુભ કાર્યોમાં હમેશાં મોખરે રહેનારા શ્રી ગાંગજીભાઈએ પ્રસ્તુત પુસ્તકોનાં પ્રકાશન
| SR No. | 005904 |
| Book Title | Aapne Aatmnirikshan Karishu |
| Original Sutra Author | N/A |
| Author | Amarendravijay |
| Publisher | Aatmjyot Prakashan |
| Publication Year | 1982 |
| Total Pages | 192 |
| Language | Gujarati |
| Classification | Book_Gujarati |
| File Size | 12 MB |