________________
૧ ૨.
તેમના અનેક દુશ્મનો પણ ઊભા થયા હતા. પણ તેઓશ્રીએ તેની જરાપણ પરવા કરી નથી. આના કારણે આવેલી મુશ્કેલીઓને ધીરતાથી સહન કરી હતી. આનાથી એ પણ સિદ્ધ થાય છે કે તેઓશ્રી માન-સન્માનની આકાંક્ષાથી અને ભયથી મુક્ત હતા. કારણ કે માન-સન્માનની વૃત્તિવાળા અને ડરપોક જીવો આ રીતે સત્યનું સમર્થન કરી શકે નહિ. આથી તેઓશ્રી નિઃસ્પૃહ હોવા સાથે નીડર પણ હતા. તેઓશ્રીએ નિઃસ્પૃહ અને નીડર બનીને અસત્યનું ઉન્મેલન અને સત્યનું સમર્થન કરવા વડે શાસનની અમૂલ્ય સેવા કરી છે.
ધર્મસંગ્રહમાં પ્રશંસાઃ- આ મહાપુરુષના સમકાલીન મહોપાધ્યાય શ્રીમાનવિજયજી ગણિવરે સ્વરચિત ધર્મસંગ્રહ ગ્રંથની પ્રશસ્તિમાં તેઓશ્રીની પ્રશંસા કરતાં લખ્યું છે કે “જે મહાપુરુષ સત્યતર્કથી ઉત્પન્ન થયેલી તીક્ષ્ણ બુદ્ધિ વડે સમગ્ર દર્શનોમાં અગ્રેસર બન્યા છે, તપગચ્છમાં મુખ્ય બન્યા છે, કાશીમાં અન્યદર્શનીઓની સભામાં જીતીને શ્રેષ્ઠ જૈન મતના પ્રભાવને જેમણે વિસ્તાર્યો છે, જેઓએ તર્ક પ્રમાણ અને ન્યાય આદિથી યુક્ત પ્રકૃષ્ટ ગ્રંથ રચના- વડે પ્રાચીન મુનિઓનું શ્રુતકેવલીપણું આ કાળમાં પ્રગટ બતાવી આપ્યું છે, તે શ્રીયશોવિજયજી ઉપાધ્યાય સર્વ ઉપાધ્યાયોમાં મુખ્ય છે. આ ધર્મસંગ્રહ ગ્રંથ તૈયાર થયા પછી શ્રીમાનવિજયજી મહારાજે શ્રી ઉપાધ્યાયજી (યશોવિજય) મહારાજની પાસે શોધાવ્યો છે.”
રવર્ગવાસઃ- તેઓનું અંતિમ ચાતુર્માસ વિ. સં. ૧૭૪૩માં વડોદરા શહેરની પાસે આવેલ ડભોઈ (દર્ભાવતી) ગામમાં થયું હતું. ત્યાં જ વિ સં. ૧૭૪૪માં તેઓશ્રીનો સ્વર્ગવાસ થયો હતો. અગ્નિ સંસ્કારના સ્થળે તેઓશ્રીનું સ્મારક બનાવવામાં આવ્યું છે. ત્યાં તેમની ચરણપાદુકાની સ્થાપના કરવામાં આવી છે. તેની પ્રતિષ્ઠા વિ.સં. ૧૭૪પમાં કરવામાં આવી છે.
TTTS
વર
