________________
મુંબઈની શેરીએ શેરીએ કરુણામય વીતરાગની વાણીને વહાવી એમણે કલ્પી પણ ન શકાય એ રીતે લોકહૃદયનું પરિવર્તન કર્યું. અહિંસાની ભાવનાને ઉત્કટ બનાવી, મુંબઈની નગરપાલિકા સુધી પહોંચાડી, અહિંસારૂપી જે એક સ્વપ્ન હતું તેને સાક્ષાત્ કર્યું, જેના પડઘા દેશના ખૂણે ખૂણે આજે પડી રહ્યા છે.
એમની આર્ષદષ્ટિને સમાજ ધીરે ધીરે અનુસરી રહ્યો છે. અને સમાજ-જીવનમાં આવતા પરિવર્તનનું. ઉષાદશન આપણે કરી શકીએ છીએ.
એમણે સ્થાપેલ દિવ્ય જ્ઞાન સંઘની અનેકવિધ પ્રવૃત્તિઓ અને એ સંસ્થા દ્વારા પ્રગટ થતાં વિચારપ્રચૂર કલાત્મક પુસ્તકને પરદેશમાં પણ અદ્ભુત આવકાર મળે છે. એ પુસ્તકો વાંચી દૂર દૂરથી પ્રવાસીઓ એમને મળવા આવે છે, એમના ઊંડા ચિંતનને લાભ લે છે અને પાછા સ્વસ્થાને જઈ પોતે જે મેળવ્યું છે તે લેવા બીજાને મોકલે છે. આમ દીવાથી દીવો પ્રગટે એ પદ્ધતિએ આજે જૈન ધર્મનું તત્વજ્ઞાન ભારતના સીમાડા વટાવી દૂર દૂર સુધી પહોંચી રહ્યું છે. -
આ મૌન એકાદશીના દિવસે લંડનથી .B c.ના નિષ્ણાતો અહીં આવી, એમનાં પ્રવચન અને જીવનચર્યાને ટેલિવિઝન માટે રેકોર્ડ કરી ગયા એ પ્રસંગ કોને પ્રેરણા સાથે આહૂલાદ ન આપે? આ બધું બતાવે છે કે ભૌતિકવાદથી થાકેલા પશ્ચિમના માનવીઓને આત્મજ્ઞાનની તીવ્ર સુધા જાગી છે!
એમની વાણીની એક વિશિષ્ટતા છે. આગમનાં કઠિનમાં કઠિન તને એઓશ્રી એકદમ સરળ
