Tattvavalokan Samiksha

SR No.: 005882
Original Sutra Author: N/A
Author: Abhayshekharsuri
Publisher: Kantilal Chhaganlal
Total Pages: 238
Language: Gujarati
Classification: Book_Gujarati
File Size: 15 MB

Page 5

મોક્ષના આશય વિનાની દ્રવ્યક્રિયાની ફૂટી બદામ જેટલી પણ કિંમત નથી. વગેરે...
પોતાની નિશ્રામાં આવાં જિનવચન-નિરપેક્ષ પ્રતિપાદન થયેલાં જાણીને પૂ. આચાર્ય ભગવંતશ્રીને ખૂબ દુ:ખ થયું. ત્યાંથી છૂટા પડ્યા પછી પૂ. આચાર્ય ભગવંતે પત્ર લખીને મુનિશ્રી પાસે તે પ્રતિપાદનો અંગે લેખિત સ્પષ્ટતા મંગાવી. મુનિશ્રી તરફથી લેખિત સ્પષ્ટતા તો ન મળી; પણ રૂબરૂમાં આ અંગે બે કલાક વિચારવિનિમય થયો. પૂજ્યપાદ આચાર્ય ભગવંત વગેરે વિદ્વાન મહાત્માઓએ અનેક શાસ્ત્ર પાઠો રજૂ કરીને મુનિશ્રીને સાચો શાસ્ત્રાર્થ સમજાવ્યો અને તેમનાં એકાન્તિક પ્રતિપાદનોમાં શાસ્ત્રવચનો, યુક્તિઓ અને પ્રયુક્તિઓથી દોષો બતાવ્યા.બન્ને પૂજ્યપાદ આચાર્ય ભગવંતો વચ્ચે થયેલા સમાધાનવાળો માર્ગદર્શક પરિપત્ર તેમને બતાવવામાં આવ્યો. આમ, તે ચર્ચા-પ્રકરણ ત્યાં પૂર્ણ થયું.
પણ, આ રીતે, સમાધાનપટ્ટકથી વિવાદાસ્પદ પ્રશ્ન ઉકલી ગયા પછી પણ,તે જ વિષયને હજુ વારંવાર છંછેડીને શાસ્ત્રવચન તથા માર્ગદર્શકપત્રથી નિરપેક્ષ એવાં પ્રતિપાદનો હજી પણ કેટલીક ગ્યાએ થતાં રહે છે. તથા,
જૈનશાસન” જેવાં કેટલાંક સાપ્તાહિક કે માસિક મુખપત્રોમાં પણ તેવાં શાસ્ત્રનિરપેક્ષ લખાણો અવારનવાર પ્રગટ થતાં રહે છે. તેમ થવાથી અલ્પજ્ઞ અને ભદ્રિક જીવો ભ્રમમાં પડી જવા અને ગેરમાર્ગે દોરવાઈ જવા સંભવ છે. તેથી, મધ્યસ્થ બુદ્ધિવાળા જીવો તટસ્થપણે સત્યને સમજી શકે તે માટે આવા પુસ્તકનું પ્રકાશન કરવું અત્યંત જરૂરી બન્યું.
આ પુસ્તકનું લખાણ નવું નથી.બે પૂજ્યો વચ્ચે આ સંબંધમાં વિચારભેદ ચાલુ હતો ત્યારે સ્વ.પૂજ્યપાદ આચાર્યદેવ શ્રીમદ્ વિજયરામચંદ્રસૂરીશ્વરજી મ.સા.ના “ધર્મસ્વરૂપદર્શન” નામના પુસ્તકની ભાગ્યશાળી પૂ. મુનિરાજશ્રી કીર્તિયશવિજયજી લિખિત “તત્ત્વાવલોકન' નામની ૩૦૦ થી વધુ પાનાંની વિસ્તૃત પ્રસ્તાવનામાં સ્વમતના સમર્થન માટે શાસ્ત્રવચનોના અર્થકથનની શાસ્ત્રીય મર્યાદાને અભરાઈએ ચડાવીને અનેક વાતો રજૂ કરાઈ હતી.આમાંની શાસ્ત્રવિપરીત ઘણી વાતોનો શાસ્ત્ર પાઠો, યુક્તિઓ અને તર્કોથી રદિયો આપતી એક વિસ્તૃત સમીક્ષા પૂજ્યપાદ આચાર્યદેવ શ્રીમદ્ વિજયભુવનભાનું સૂરીશ્વરજી મહારાજાના વિદ્વાન પ્રશિષ્યરત્ન પૂજ્ય મુનિરાજશ્રી અભયશેખર