Page Text
________________
જુગાર થઈ પડે છે. આવા જુગારમાં ફસાઈ ન જવાય એ માટેની સાવધાની રાખવાની દરેક આત્મહિતેચ્છુને પુનઃ પુનઃ ભલામણ કરું છું....
શાસ્ત્રાનુસારી વિચારણાઓ મળે, એને મધ્યસ્થતાથી વિચારતાં વિચારતાં પોતાને પણ પોતાની માન્યતાઓ અંગે મનમાં શંકાઓ ઊભી થવા માંડે, એ માન્યતાઓ ગલત હોવી ભાસવા માંડે. અને એ જ વખતે નહીં, નહીં... આ તો મારી માન્યતા ઊડી જશે.. આવા કોઈ ભાવના કારણે એ શાસ્ત્રાનુસારી વિચારણાઓને જ પડતી મૂકી દેવી... આને જ્ઞાનીઓ દૃષ્ટિરાગ કહે છે. કામરાગ અને સ્નેહરાગથી પણ અત્યંત ભયંકર એવા આ દૃષ્ટિરાગથી અચવા સહુ કોઈ પ્રયાસ કરો અને એમાં સફળતા પામો એવી મંગલકામના હું વ્યકત કરું છું...
...
શાસ્ત્રપાઠોનો સરાસર અયોગ્ય અર્થ કરનાર વ્યક્તિ પર પણ દ્વેષબુદ્ધિ, તિરસ્કારભાવ કે દુર્ભાવ ન આવી જાય, એની આ લખાણ દરમ્યાન પૂરેપૂરી કાળજી રાખી છે. અને એ માટે જ એ વ્યક્તિનો વારંવાર મહાત્મન્ !’ ‘મુનિવર !’ વગેરે શબ્દોથી આ વિચારણામાં ઉલ્લેખ કર્યો છે. પૂજ્યપાદ પરમોપકારી ગુરુદેવોની અસીમ કૃપાના બળે તેઓ પ્રત્યેના મૈત્રી વગેરે ભાવોને જાળવી રાખવામાં લેખક ઘણુંખરું સફળ બન્યો છે.
તેમ છતાં, આ વિચારણાથી કોઈનાં પણ દિલને દુ:ખ થાય તો તેનું મિચ્છામિ દુક્કડમ્....
સ્વક્ષયોપશમ મુજબ જિનાજ્ઞાને અનુસરીને કરેલી આ વિચારણાથી જે પુણ્યબંધ થયો હોય,તેના પ્રભાવે ભવ્ય જીવો મિથ્યા માન્યતાઓને તિલાંજલી આપી સ્વ-પર હિત સાધો એવી શુભેચ્છા... તેમજ, છદ્મસ્થતા, અજ્ઞાન, અનાભોગ વગેરેના કારણે આ વિચારણામાં, જિનાજ્ઞાને પ્રતિકૂળ હોય એવું જે કાંઈ પણ પ્રસ્તુત થઈ ગયું હોય, તેનું વારંવાર મિચ્છામિ દુક્કડમ્. તેમજ મધ્યસ્થ બહુશ્રુત ગીતાર્થ મહાત્માઓને તેની શુદ્ધિ કરવા વિનમ્ર ભાવે વિનતિ છે.
પૂ. આ. શ્રીમદ્ વિજયભુવનભાનુ સૂ.મ.સા.ના પટ્ટાલંકાર સ્વ. આ. શ્રીમદ્ વિજયધર્મજિત સૂ.મ.સા.ના શિષ્યરત્ન પૂ. આ. શ્રીમદ્ વિજય જયશેખર સૂ.મ.સા.નો શિષ્યાણુ મુનિ અભયશેખરવિજય
19
| SR No. | 005882 |
| Book Title | Tattvavalokan Samiksha |
| Original Sutra Author | N/A |
| Author | Abhayshekharsuri |
| Publisher | Kantilal Chhaganlal |
| Publication Year | |
| Total Pages | 238 |
| Language | Gujarati |
| Classification | Book_Gujarati |
| File Size | 15 MB |