Page Text
________________
પછી અમે અમદાવાદ પહોંચ્યા. આ બાજુ સાહેબજી મુંબઈ પહોંચ્યા. મારાં ૧૬૦ પાનાં જેટલા લખાણ પરથી થોડો સંક્ષેપ કરીને એક બીજું લગભગ ૨ ફુલસ્કેપ જેટલું લખાણ તૈયાર થયું અને તેની એક કૉપી સાહેબજીને લાલબાગમાં હાથોહાથ પહોંચાડવામાં આવી. (જેનો આજે છ વર્ષ સુધીમાં કોઈ જવાબ પ્રાપ્ત થયો નથી. તેમ છતાં જો એવો પ્રચાર થતો હોય કે આવું કોઈ સમીક્ષાનું લખાણ અમને મળ્યું નથી તો તે પ્રચાર સદંતર ખોટો છે એમ
જાણવું.
પછી તો, વિ. સં. ૨૦૪૩ માં “ઈષ્ટફળસિદ્ધિ' વગેરે અંગે બન્ને આચાર્ય ભગવંતોની એકમતી સધાઈ અને બન્નેની સહી સાથેનો એક માર્ગદર્શન આપતો પરિપત્ર પણ તૈયાર થયો. અચાન્ય સ્થળે ચાતુર્માસ બિરાજમાન બધા મહાત્માઓને એની કૉપી મોકલવામાં પણ આવી. આ સમાધાનપદક જિનવાણી? પાક્ષિક અને દિવ્યદર્શન' સાપ્તાહિક એ બન્નેમાં છપાવવાનું નિશ્ચિત થયું હતું. “દિવ્યદર્શનમાં તો એ છપાઈ ગયો, પણ કોઈ અકળ કારણસર “જિનવાણી પાક્ષિકમાં એ પ્રકાશિત થયો નહીં (આ પુસ્તકમાં અંતભાગે એ છપાયેલો છે).
તેમ છતાં, બધા મહાત્માઓને એની કૉપી મળી ગઈ છે. તેથી, આ બાબત જ્યારે નીકળશે ત્યારે આ માર્ગદર્શનને અનુસરીને જ વિધાનો થશે એવીં આશા હતી. પણ આ આશા ઠગારી નીવડી. કેટલાક મહાત્માઓ તો જાણે કે ઉપદેશ આપવા માટે બીજો કોઈ વિષય જ ન હોય, એમ આ વિષયને જ જ્યાં ને ત્યાં છેડ્યા કરે.(જો કે છેડે ત્યાં સુધી વાંધો નથી, પણ એ વિષય પર શાસ્ત્રોથી અત્યંત પ્રતિકૂળ એવી મનઘડંત પ્રરૂપણાઓ પણ આડેધડ કર્યા કરે, એ ખરેખર ઘણી જ આઘાતજનક વાત છે. તેથી એ મહાત્માઓને પણ માધ્યચ્ચપૂર્વક શાસ્ત્રવચનોના તાત્પર્યાર્થનો નિર્ણય કરવા મળે, તેમજ ચતુર્વિધ શ્રીસંઘના જિજ્ઞાસુઓને પણ સાચા-ખોટાનો નિર્ણય કરવા માટે કંઈક માર્ગદર્શન મળે, એ હેતુથી મારું લગભગ ૧૬૦ પૃષ જેટલું તૈયાર કરેલું આ લખાણ થોડા વધારા સાથે પ્રકાશિત થઈ રહ્યું છે.
હું એટલું જરૂર કહીશ કે “અમે આ કહી રહ્યા છીએ માટે સાચું છે; આમ વિચારીને આ પ્રતિપાદનોને સ્વીકારવાની જરૂર નથી. જ્યારે આવી બે પક્ષની જુદી જુદી વાતો જાણવા મળતી હોય, ત્યારે ફલાણાએ કહ્યું છે, માટે સાચું
15
| SR No. | 005882 |
| Book Title | Tattvavalokan Samiksha |
| Original Sutra Author | N/A |
| Author | Abhayshekharsuri |
| Publisher | Kantilal Chhaganlal |
| Publication Year | |
| Total Pages | 238 |
| Language | Gujarati |
| Classification | Book_Gujarati |
| File Size | 15 MB |