Page Text
________________
સભા :- જેનો અનુભવ થયો હોય તે જ લેવાનું મન થાય ને?
સાહેબજી - એનો મતલબ એ જ કે તમને આ સંસાર પર અધિક રાગ છે, તેથી અત્યારે તમને મોક્ષ પણ નથી જોઈતો. સમ્યગ્દષ્ટિને હજારો ભૌતિક વસ્તુ પર રાગ છે, આસક્તિ ને કામના છે, પણ સંસારના રાગ કરતાં ધર્મરાગ ને મોક્ષ પ્રત્યેનો રાગ અતિશય પ્રબળ છે. તમારા મનમાં કયો રાગ પ્રબળ છે? સંસારનો રાગ જ. કારણ હજુ તમને મોક્ષ પ્રત્યે જોઈએ તેવી તાલાવેલી નથી થઈ.
સભા:- તાત્કાલિક નફો આમાં દેખાય છે.
સાહેબજી:-તમારા ધંધામાં તમને તત્કાલ નફો મળી જાય છે? ઘણી વખત તો ૧૨ મહિને પણ નફો મળતો હોય છે, અને એ વખતે પણ પૈસા હાથમાં આવે પરંતુ સીધું સુખ હાથમાં આવતું નથી. તમે કડવાં કારેલાં પણ ખાઓ છો, કારણ તમે જાણો છો કે સ્વાદમાં કડવાં.પણ લાંબા ગાળે તબિયતમાં ફાયદો કરશે. સંસારમાં તો બધે તત્કાળ પરિશ્રમરૂપ દુઃખ અને પરોક્ષ લાભ છે, છતાં મનગમતી વસ્તુની આશાથી તત્કાલ લાભ જેવો આનંદ માનો છો, જ્યારે ધર્મમાં તત્કાળ લાભ હોવા છતાં તમે તે જોઈ શકતા નથી. જો જીવ સાચો ધર્મ કરે તો એને તત્કાલ તેનું ફળ ન મળે એવું
ક્યારેય બનતું નથી.' "ધર્માનુષ્ઠાનનું માનસિક ફળ અને આત્મિક ફળ :
પૂજા ભાવથી કરો તો તત્કાળ ચિત્ત પ્રસન્ન થાય. આ પણ પૂજાનું આનુષગિક ફળ છે; કારણ કે શુભભાવજન્ય માનસિક પ્રસન્નતા તે ગૌણ છે. વાસ્તવમાં - વિધિપૂર્વક, આજ્ઞામુજબ, ગુણસ્થાનકની ભૂમિકા અનુસારી ધર્મ હોય તો તત્કાલ
આત્મિક આનંદનો અનુભવ કરાવે જ. શુદ્ધ ધર્મ આત્માનું સુખ ન આપે તેવું ત્રણ કાળમાં પણ બને નહિ. ચિત્તપ્રસન્નતા અને આત્મિક આનંદ બે જુદી વસ્તુ છે.
તમને ભાવતી વાનગી ખાતાં ટેસ્ટ આવે છે તેમ પૂજા, પ્રતિક્રમણ, સામાયિક કરતાં ટેસ્ટ આવે છે? તમે અહીં આવીને આટલો પણ ધર્મ એટલા માટે કરો છો કે તમને ખબર છે કે મહારાજ સાહેબો આખો દિવસ પાપ પાપ કહે છે તેમાં કદાચ ભૂલે ચૂકે પણ આપણે પાપમાં સલવાઈને દુર્ગતિમાં જતા રહીશું તો શું થશે? માટે થોડો ધર્મ કરી પુણ્ય બાંધીને પરલોકમાં થાળે પડીએ. બસ, આ જ તમારી મનોવૃત્તિ છે.
લોકોત્તર દાનધર્મ “અનુકંપા”
૨૫૩
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |