Page Text
________________
અપવર્તન કે વૃદ્ધિ-ઉદ્વર્તના પણ કરી શકાય છે. તમે ધારો તો પુણ્યને પાપમાં પણ પલટાવી શકાય છે અને પાપકર્મને પુણ્યકર્મમાં પણ ફેરવી શકાય છે. માત્ર આ બધા માટે આવડત જોઈએ. દુનિયામાં કોઇપણ ધર્મના કર્મવાદમાં આવી સૂક્ષ્મ પ્રક્રિયા બતાવી નથી. વળી જો તે બાંધેલ કર્મ નિકાચિત હશે તો તેમાં કંઈ ફેરફાર નહિ કરી શકાય. નિકાચિતકર્મ તો પુરુષાર્થ કરીને ક્ષપકશ્રેણિમાં આવો તો જ તે કર્મને ખપાવી શકાય.કેવળજ્ઞાન પામતાં પહેલાં જીવને સાધના દ્વારા ક્ષપકશ્રેણિમાં આવવું પડે છે. ત્યાં આત્માના કર્મજન્ય વિકારો-કષાયો બધા જ મૂળમાંથી નાશ પામે છે. ભૂલથી તો વિકારોને કષાયો શાંત થાય ત્યારે જ ક્ષપકશ્રેણિ આવે. પણ જેમ ઝાડનાં નજીવાં મૂળિયાં બાકી હોય અને તે સિવાય સમગ્ર ઝાડ કાપી નાંખો છતાં પણ તે સૂક્ષ્મ મૂળિયાંમાંથી પાછું ઊગેછે, તેમ ક્ષપકશ્રેણિ માંડનાર જીવ પર વિકારો અને કષાયોનાં સૂક્ષ્મ મૂળિયાં અખંડિત હોય છે, જેને ધ્યાનની તીક્ષ્ણ ધારા દ્વારા ફરી વાર ન ઊગે તે રીતે ઉચ્છેદ કરે છે. તે વખતે આત્માની પ્રચંડ નિર્મુલન તાકાતના કારણે નિકાચિતકર્મના પણ ભૂક્કો બોલાય છે અને કષાયો પણ મૂળમાંથી નાશ પામે છે. અહીં આત્માના પુરુષાર્થની પરાકાષ્ઠા છે, આખી દુનિયાનાં નિકાચિતકર્મ એકત્રિત થાય તો પણ અહીં નાશ પામે તેવી આત્માની તાકાત છે. ક્ષપકશ્રેણિનું સામર્થ્યઃ
સભા :- સાહેબજી, કોઈ દષ્ટાંત આપો.
સાહેબજી :- જેમ કે દઢપ્રહારીએ કેટલાંયે નિકાચિતકર્મ બાંધ્યાં છે. તેણે ઘોર પાપ રસપૂર્વક કરેલાં છે. ચોરી, લૂંટફાટ, ખૂન, દુરાચાર બધું જ કર્યું છે. દઢપ્રહારી નામ પણ તેના વર્તન પરથી પડ્યું છે. આમ તો તેનું મૂળ નામ બીજું હતું, પરંતુ તેનો એક જ પ્રકાર સામેનાના પ્રાણ હરવા માટે પૂરતો હતો. આમ, તેનો પ્રહાર દઢ હોવાથી તેનું નામ દઢપ્રહારી પડ્યું. નગરમાં એક પણ ઘર તેના ત્રાસથી બચ્યું નથી. તે અત્યંત પાપી છે. આવું હોવા છતાં પણ તેના જીવનમાં એક ટર્નિંગ પોઇન્ટ આવી ગયો, અને ત્યારબાદ તેણે એવી સાધના કરી કે છ મહિનામાં કેવળજ્ઞાન પામી ગયો. તેના આત્મા પર નિકાચિત કર્મો એવાં હતાં કે કેટલીય વાર દુર્ગતિમાં જવું પડે. અરે ! તીવ્ર પાપના અનુબંધો અને ઘોર નિકાચિતકર્મ પડેલાં છે, છતાં પણ ક્ષપકશ્રેણિ દ્વારા તે બધું ખપાવીને અલ્પ કાળમાં કેવળજ્ઞાન પ્રાપ્ત કર્યું.
આજક
લોકોત્તર દાનધર્મ “અનુકંપા”
૨૪૯
| SR No. | 005875 |
| Book Title | Lokottar Dandharm Anukampa |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | 2003 |
| Total Pages | 290 |
| Language | Gujarati |
| Classification | Book_Gujarati |
| File Size | 19 MB |