________________
સમાજમાં નહોતા? પ્રભુ ધારે તો એક દેવતાને કહીને જેટલા ધર્મ નથી માનતા તેમને પરચો બતાવી શકે, તથા તેમના મનોરથો પૂરા કરીને ધર્મ પમાડી શકે. કારણ
દેવતાઓમાં આ શક્તિ હોય જ છે. છતાં પ્રભુએ આવું કાંઈ કહ્યું નથી ને કરાવ્યું પણ નથી.
સભા:- જૈન ઇતિહાસની આટલા પુરાવા સાથે વાતો છે, તો સ્કૂલોમાં બતાવતા કેમ નથી?
સાહેબજી :- અત્યારે ધાર્મિક વસ્તુનું જરાયે મહત્ત્વ નથી. સ્કૂલોના કોર્સમાં પણ સાચી વાતો યથાર્થ બતાવાતી નથી. આપણા ઇતિહાસની ઘણી વાતો પુરાવા સાથે છે, છતાં ભણાવાતી નથી. '
સભા -તે વખતે આટલી જૈન પ્રજા હતી તો હવે કેમ ઓછી થઈ ?
સાહેબજી - એ પછી ઘણાં ધર્મઝનૂની આક્રમણો આવ્યાં છે. ઇતિહાસના રેકોર્ડમાં મળે છે કે કરોડો જૈનો હતા, તેમને પરાણે આદ્ય શંકરાચાર્ય દ્વારા રાજકીય પીઠબળથી અન્ય ધર્મમાં convert-ધર્માતરિત કરી દેવાયા. જૈન સાધુઓને પણ ધર્મ છોડાવવા કતલની ધમકી અપાતી અને હજારો સાધુઓની કતલ પણ કરી છે. આવી વિકટ પરિસ્થિતિમાં કેટલા ટકી શકે અને ટકે તે પણ કેવી રીતે જૈન રહે? રહે તોયે મરી જાય. તે વખતે રાજસ્થાન-ગુજરાતમાં જે રાજાઓ હતા તે જૈન હતા અથવા જૈનધર્મ પ્રત્યે માન ધરાવતા હતા, તેથી આટલી જૈન પ્રજા અહીં ટકી રહી છે.
સભા - અત્યારે ગરીબો ઝૂંપડપટ્ટીમાં કેટલાય છે અને તેમાં કેટલાયે જૈનો છે, તો તેમને દાન આપીને ટકાવવા ન જોઈએ? • : સાહેબજી:-આની વાત સુપાત્રદાનના વર્ણનમાં આગળ આવશે. પણ એટલું ચોક્કસ સમજજો કે ફક્ત જન્મથી જ જૈન હોય તે જ નથી જોવાનું. વળી સાચા જૈનોની આપત્તિમાં ઉપેક્ષા કરો તો કેટલું પાપ લાગશે તેનું વર્ણન આગળ આવશે.
સભા - પ્રાચીન તીર્થોમાં અત્યારે જૈનોની વસ્તી રહી જ નથી, તો શું કરવું?
સાહેબજી તમે પણ અત્યારે ગામડાં છોડીને મુંબઈ આવ્યા જ છો ને? તમે પણ સંપત્તિ-અનુકૂળતા ખાતર બાપદાદાનાં દેશ-ગામ છોડ્યાં છે, તો શું કરવાનું? અત્યારે તો ગાંડું સ્થળાંતર છે. મુંબઇમાં પહેલાં કેટલા જૈન હતા અને અત્યારે કેટલા છે? આવી પરિસ્થિતિમાં આવા પ્રશ્નો થાય જ. તેનું યોગ્ય રીતે સંઘે સંચાલન કરવું જોઈએ. પ્રાચીન તીર્થોનું રક્ષણ કરવામાં ઘણો જ લાભ છે. લોકોત્તર દાનધર્મ “અનુકંપા”
૧૫o