Page Text
________________
અણુએ અણુ પવિત્ર હોય. તેમાં કરાતી દરેક ક્રિયાના ભાવો પવિત્ર હોય. હવે તમારા મનમાં એક પણ અશુભ ભાવ નથી આવતો, તેવું તમે હૃદયપૂર્વક કહી શકશો ખરા? મનમાં આવું પવિત્ર વાતાવરણ તૈયાર કર્યું છે ખરું? કે પછી હૃદયમાં ચારે બાજુ ઉકરડો જ રાખ્યો છે? આ તો તમારે ત્યાં પેલા મંદિરમાં જવું નથી, જવાનો કંટાળો છે, વાંધો છે, માટે આ વાક્ય સરસ રીતે ગોઠવી દીધું છે. આ બધી ઊઠાં ભણાવવાની વાતો છે. અમારા આ શબ્દો આકરા છે, પણ સો એ સો ટકા સાચા છે.
તમે જીવનમાં કહી શકશો કે અમારા પ્રાણ જાય તો પણ એક ખરાબ વિચાર આવતો નથી, એવું મન અમે કેળવ્યું છે? ગમે તે નિમિત્ત આવે તો પણ ખરાબ વિચાર તો આવતો જ નથી? માટે તમને જડની અસર નથી ને? અને જો ગમે તેવા નિમિત્તમાં એક પણ ખરાબ ભાવ નથી આવતો તો પછી તો અમારી વાત જ આવી. અને આવા માણસે તો મંદિરમાં જવાની જરૂર નથી. શું અત્યારે તમે સંપૂર્ણ સમભાવમાં મગ્ન છો? બધા વિષય-કષાયના ભાવોથી મુક્ત છો? સંસારની એક પણ વિકૃતિ અડતી નથીને? જે જીવન્મુક્ત છે તે સ્વયં ભગવાન છે. તેનો આત્મા પરમાત્મા છે.
સભા:- અંતરની વિશુદ્ધિ એટલે ધર્મ?
સાહેબજી - અંતરની વિશુદ્ધિ લાવશો કઈ રીતે ?-હોટલમાં જશો એટલે આવશે? કેશીનો રમતાં આવશે? તમે કહેશો કે સાહેબ! અમારે જે કરવું હોય તે કરીએ પણ મનથી ચોખ્ખા રહીએ છીએ. તમારે ખાવું-પીવું-હરવું-ફરવું બધું જ કરવાનું, પણ તેમાં અંતરથી અળગા રહેવાનું, તેવું તમારા જીવનમાં બને છે ખરું? કે પછી આ તો આત્મવંચના છે? તમે તમારા આત્માને જ ઠગો છો. તમે તમારા આત્માને પૂછો કે જે કરો છો તેની અસર છે કે નહીં? મોટરમાં ફરનારને પૂછું કે ભાઈ તમને અત્યારે મોટરમાં ફરવા છતાં પણ આસક્તિ નથી ને? અત્યારે તમને એક કલાક ઉનાળાના તાપમાં ઉઘાડા પગે ચલાવીએ તો ખબર પડે કે તમારી અનાસક્તિ કેવી છે.
સભા - સાહેબજી, આ હૉલમાં સાંજે બપોરે નાટકો થાય છે, તો તેના પરમાણુની આપણા મન ઉપર અત્યારે અસર થાય ખરી?
સાહેબજી:-ચોક્કસ કરે. આ પવિત્ર સ્થાનો તો નથી જ. એટલા માટે તો ભૂતકાળમાં મહાજન (શ્રાવકો) મોટાં મોટાં ધર્મસ્થાનકો રાખતા હતા, કે જેનો પ્રસંગે ઉપયોગ કરી શકાય. પણ તમે ઉપાશ્રયો સાંકડા બનાવો છો, માટે આવા સ્થાનોમાં અમારે પ્રવચન આપવા આવવું * * * * * * * * # # # # # # # # # # # # # # * * *
, અનેકાંતવાદ
૮૮
| SR No. | 005869 |
| Book Title | Anekantvad |
| Original Sutra Author | N/A |
| Author | Yughbhushanvijay |
| Publisher | Gitarth Ganga |
| Publication Year | 2001 |
| Total Pages | 160 |
| Language | Gujarati |
| Classification | Book_Gujarati |
| File Size | 14 MB |