Page Text
________________
તેમના ગુરુ પણ વિચક્ષણ છે. આવું વ્યક્તિત્વ જો જૈન શાસનને મળે તો બન્નેનું કામ થઈ જાય. માટે કહ્યું કે “આ શ્લોકને સમજવા માટે તો દીક્ષા લેવી પડે.” ગુરુ મહારાજે તેમની Honesty(પ્રમાણિકતા)-સરળતા જોઇ લીધી છે. આ જીવ જો જૈન શાસ્ત્રો ભણશે તો ચોક્કસ પ્રભાવિત થશે. જૈન શાસ્ત્રોમાં એટલી તાકાત છે કે જે તેનો બરાબર અભ્યાસ કરે તેનાં મસ્તક ડોલાવી શકે તેમ છે.
પ્રમાણિકતાથી, તટસ્થતાથી, ધીરજપૂર્વક જો જૈન ધર્મનો અભ્યાસ કરે તો તેને બુદ્ધિથી હૃદયથી સ્પર્યા વગર રહે જ નહિ, તેવું આ શાસ્ત્રજ્ઞાન છે. તેમાં મૂળ સિદ્ધાંત અનેકાન્તવાદ છે. અનેકાન્તવાદ કાઢી નાંખો તો ધર્મનિષ્માણ થઈ જાય.
પૂ.આ. શ્રીહરિભદ્રસૂરિ એમ બોલે છે કે “અમને જો આ સિદ્ધાંતો, શાસ્ત્રો ન મળ્યાં હોત તો અનાથ એવા અમારું શું થાત?” તેમની જાતને તેઓ આના વગર અનાથ માને છે.
જો સ્યાદ્વાદને સમજ્યા હો તો હૃદયમાં અસર થયા વગર રહે જ નહીં. ખાલી નિશ્ચયનયમાં આખો સ્યાદ્વાદ આવી જતો નથી. અમે તમને જેટલું બનશે તેટલું સરળ કરીને સમજાવીશું, પણ તમારે થોડા નવા શબ્દોથી તો પરિચિત થવું પડશે અને તો જ આ અદ્ભુત ગ્રંથની મજા આવશે. હવે આનો શાબ્દિક અર્થ :
અનેકાન્તવાદનો પર્યાયવાચી શબ્દ સ્યાદ્વાદ-સાપેક્ષવાદ છે. આમાં બધાં ર્વિધાનો સાપેક્ષપણે જ છે, ક્યાંય નિરપેક્ષવાદ નથી.
આ બધું શ્રાવકો ભણી શકે છે. પહેલાંના શ્રાવકો ભણતા હતા. દા.ત. નળ-દમયંતી. દમયંતી પરમ ધર્માત્મા શ્રાવિકા છે. જ્યારે નળ જુગારમાં હારીને વનવાસમાં ગયા પછી ત્યાં તે વખતે તેમને લાગે છે કે, આ દયમંતી આ રીતે નહિ જીવી શકે. જંગલોમાં તેને ઘણું જ કષ્ટ
પડશે, પણ હું જો તેનો ત્યાગ કરી દઇશ તો તે તેના પિયર જતી રહેશે. માટે તેનો ત્યાગ કર્યો. * કર્મ હોય તો મહાસતીને પણ ઉદય આવે, પણ તેઓ પિયર જતાં નથી. ફરતાં-રખડતાં એક
તાપસના આશ્રમમાં ગયાં છે. તેમનું વ્યક્તિત્વ જાજરમાન છે. ખાનદાન કુટુંબનાં હોય તેવું દેખાઈ આવે છે. આમ પાછાં અત્યારે ચીંથરેહાલ છે, છતાં તાપસો તેમને ત્યાં આશ્રય આપે છે. તે જિનશાસનને સમજેલાં ધર્માત્મા છે. તત્ત્વને પામેલાં છે. ત્યાં આશ્રમમાં ૫00 સંન્યાસી છે. તેઓ તેમનાં શાસ્ત્રો ભણતા હોય, વિચારતા હોય, ત્યારે આ આવીને ત્યાં બેસે છે. અતિથિ તરીકે આવેલ હોવાના કારણે તેને બરાબર સાચવે છે. તાપસો તેમના પોતાના ધર્મની વાતો કરે છે, ત્યારે દમયંતી પણ પોતાના જૈન ધર્મની વાતો કરતી જાય છે. તે સ્યાદ્વાદની ખાણ છે. માટે બધા તાપસોને બોધ કરાવ્યો. તેઓ બધા જૈન ધર્મ પામી ગયા અને ૫૦૦ એ દીક્ષા લીધી. આવા જીવોને તે ધર્મ કેમ પમાડી શકી? કારણ તેની પાસે સ્યાદ્વાદનું જ્ઞાન છે. જ જ સ સ મ મ મ મ મ * * * * * * * * * * * * * * * * * * * * અનેકાંતવાદ
| SR No. | 005869 |
| Book Title | Anekantvad |
| Original Sutra Author | N/A |
| Author | Yughbhushanvijay |
| Publisher | Gitarth Ganga |
| Publication Year | 2001 |
| Total Pages | 160 |
| Language | Gujarati |
| Classification | Book_Gujarati |
| File Size | 14 MB |