________________
સાચું સમજવા દેતા નથી અને ભોળા લોકોને રવાડે ચઢાવે, તેવાને તો સંસારમાં ભારે સજા થવાની છે; તેવાને તો હિટલર-મુસોલીની, કસાઈથી પણ વધારે પાપ લાગે, કેમ કે પેલા તો દ્રવ્યહિંસા કરનારા છે અને આ તો ભાવહિંસા કરનારા છે. શાસ્ત્ર કહે છે કે ઉન્માર્ગ ચલાવનારા ભાવહિંસા કરનારા હોવાથી, તેમને કસાઈથી પણ વધારે પાપ લાગે; પણ અન્યધર્મના બધા ઉપદેશકો આમાં ન આવે, કેમ કે તેમાં ઘણા તો સજ્જન છે; તેમને તેમનાં શાસ્ત્રોમાંથી સાચુંસારું લાગે તેમ પોતે કરે છે અને બીજાને કરાવે છે. ત્યાં ભોળપણ છે પણ દુષ્ટભાવો નથી. તેથી તેમને અજ્ઞાનતાનું પાપ લાગે, પણ બીજાનું અહિત કરવા રૂપ મેલી ભાવનાનું કાતીલ પાપ ન લાગે. જયારે દુષ્ટ વિચારવાળાને તો ડૂચા નીકળી જાય તેવું પાપ લાગે છે.
સભા -મરીચિને પણ આ કારણે જ પાપ લાગ્યું ને? સાહેબજી - છતાં મરીચિમાં Protection(બચાવ) તરીકે ઘણા ગુણ હતા. મરીચિને જે ફળ મળ્યું છે તે તો મામૂલી છે. બાકી તો અનંત ચોવીશી સુધી ભટકી ભટકી દૂસ નીકળી જાય. તેમનામાં પણ લાયકાત હતી. ગુણિયલ જીવ હતો. છતાં એક કોટાકોટી સાગરોપમ સંસાર વધી ગયો. માટે શાસ્ત્ર લખે છે કે દુનિયામાં ધર્મના નામથી જે અધર્મ ચાલે છે તે આવા ધર્મગુરુઓના પાપે ચાલે છે અને તેના કારણે જગતમાં સાચો ધર્મ ફેલાતો નથી. દુનિયાનું ભયંકરમાં ભયંકર અહિત કરનારા આ લોકો છે. કોઈના પ-૨૫ લાખ લૂંટો તેના કરતાં તેનો આખો ધંધો બરબાદ કરી દો તો કેટલું ભયંકર પાપ લાગે?
સભા - ધર્મશાસ્ત્રો જ એવાં મળ્યાં હોય તો? સાહેબજી - તેમનાં ધર્મશાસ્ત્રોમાં એવી વાતો આવે છે કે બુદ્ધિમાં જ ન બેસે, તો વિચાર તો કરે ને? પોતાના શાસ્ત્રની વાતો પણ બુદ્ધિથી વિચારવાની હોય છે. મોટાભાગની વાતો તર્કથી ન વિચારે? જે ધર્મશાસ્ત્રો તર્ક-પ્રત્યક્ષથી વિરૂદ્ધ પડે, તેવાં ધર્મશાસ્ત્રની વાતો, ભગવાન કહે છે ઉપાડીને ફેંકી દેવી. Universal Standard(વૈશ્વિક ધોરણ) તો આ જ હોય. સત્ય પામવાનો રાજમાર્ગ આ જ છે. ઘણા લોકો પોતાનાં ધર્મશાસ્ત્રોમાં એવી વાતો હોય કે મોં માથું નબેસે, તો પણ કેમ માને છે અને ઘણી એવી જ વાતો બીજાનાં ધર્મશાસ્ત્રોમાં હોય તો પાછા ન સ્વીકારે.
ધર્મ એ તો આખી જિંદગીની સત્યની શોધ છે. જેને કરતાં આવડે તેનું જ કલ્યાણ થવાનું. ભગવાન કહે છે, જેને સત્યની ગવેષણા નથી, તે પહેલું પગથિયું પણ ચઢી જ નહિ શકે. કેમ કે પછી તો કોઈ કહેશે, અમારે ત્યાં બકરા કાપવા તે ધર્મ છે, તો તે ધર્મ કહેવાય? સત્યના નિયમો Universal(વૈશ્વિક) હોય, તેમાં મારા-તારાનો પ્રશ્ન નથી. ધર્મના નામથી વેચાઈ નથી જવાનું, પણ સત્ય પકડી પકડી આગળ ચાલવાનું છે. સમ્યગ્દષ્ટિ ગમે ત્યાં હોય, સાચું વિચારીને જ કરતો હોય. પ્રમાણિક રહેવું હોય તો મરતાં સુધી જાગ્રત રહેવું પડે. જે ઉપદેશક બીજાં ધર્મશાસ્ત્રોની સમીક્ષા કરે છે, તેણે તો પોતાનાં ધર્મશાસ્ત્રોની પણ સમીક્ષા કરવી જોઈએ. જિંદગી સુધી સત્યની ગવેષણા જોઇએ ને?
અમને કોઈ કહે, તમે જૈનધર્મ કેમ સ્વીકાર્યો? તો અમે કહીએ, બીજા ધર્મમાં ઘણી શી કરી શક કચક કરોડ ૬૪ કલાક કાકાનાચાર)