________________
પણ અપ્રમત્તભૂમિકા નહોતા પામ્યા, માટે અષ્ટાપદ યાત્રા કરવા ગયા. આમ ચૌદપૂર્વી, ચાર જ્ઞાનના ધણી, ચારિત્રગુણનો પાર નથી છતાં અપ્રમત્તભૂમિકા પામવાની બાકી હતી, તો તે ભૂમિકા બચ્ચાંના ખેલ છે? ભગવાન કહે છે જયાં સુધી નિરાલંબન ધ્યાનમાં ન જઈ શકો ત્યાં સુધી આલંબનની જરૂર છે. અત્યારે મંદિરમાં આટલાં સરસ આલંબન-વાતાવરણ છે ત્યાં પણ તમે સીધા નથી રહેતા, તો નિરાલંબનમાં શું કરશો? દુનિયાના કોઈ ધર્મવાળાએ ધર્મસ્થાનકોમાં પ્રવેશ માટેની આટલી કડક શરતો મૂકી જ નથી. બીજે તો ધર્મસ્થાનકોમાં પાપપ્રવૃત્તિની પણ છૂટ છે, મસ્જિદમાં જ નિકાહ પઢાવે, ચર્ચમાં જ લગ્ન સંબંધી ક્રિયા કરાવે. જ્યારે આપણે ત્યાં તો સંસારની પ્રવૃત્તિ તો નહિ જ, પણ સંસારના ભાવોની-વિચારની પણ વાત નથી. ધર્મસ્થાનકોમાં તો અધર્મનો વિચાર પણ ન કરાય. હવે આવાં પવિત્ર સ્થાનોમાં પણ તમે ઠરીઠામ નથી રહેતા, તો બીજું શું થશે? અમે પણ એ જ ભૂમિકામાં છીએ. હું પણ રોજ દેરાસર દર્શન કરવા જાઉં છું.
તમને ક્યાંય પણ વિજ્ઞાન કે બીજા ધર્મનો પ્રભાવ પડે તો વિચારજો કે, આ ભૌતિકતામાં હું કેમ આટલો લેવાઈ જાઉં છું? વિજ્ઞાનની એકપણ શોધખોળ હજી સુધી એવી નથી, જે જૈન ધર્મના સિદ્ધાંતને બાધિત કરે. અશક્ય એવું કશું વિજ્ઞાને કરી બતાવ્યું નથી, તો શું કામ લેવાઇ જાઓ છો? અમૂઢદષ્ટિપણું ગુણને એવી રીતે કેળવો દર્શનગુણ ઝળકે, માટે દર્શનાચારમાં ધીમે ધીમે આગળ વધો.
વ્યાખ્યાન :
તા. ૨૭-૦૧-૯૮, પોષ વદ ચૌદશ, ૨૦૧૪, મંગળવાર અનંત ઉપકારી અનંત જ્ઞાની શ્રી તીર્થંકર પરમાત્મા જગતના જીવોને વિશુદ્ધ ધર્મની પ્રાપ્તિ કરાવવા આ ધર્મતીર્થની સ્થાપના કરે છે.
આ સંસારમાં ભટકતાં ભટકતાં જીવો ધર્મની સામગ્રી જ બહુ ઓછા ભાવોમાં પામે છે. વળી તે ભવમાં પણ સામગ્રી પાસે એટલે ધર્મ પામી જ જાય તેવું નથી. એ વાત અત્યારે પ્રત્યક્ષ છે. મોટાભાગના જીવોમાં ધર્મસામગ્રી પામેલા જ ઓછા છે અને જે ધર્મસામગ્રી પામેલા છે તેમાં પણ ધર્મ પામી જનારા બહુ ઓછા નીકળવાના. જૈનકુળમાં જન્મ અને જન્મથી જ ઊંચી ધર્મસામગ્રી મળી છે, તેમાં પણ સાચો ધર્મ પામનારા કેટલા નીકળવાના? કહેવાનું તાત્પર્ય શું છે કે, પહેલાં તો ધર્મસામગ્રી જ દુર્લભ છે. તે મળ્યા પછી વિશુદ્ધ ધર્મ પામવો દુર્લભ તે વિશુદ્ધધર્મ પામ્યા છે, સાચો ધર્મ પામ્યા છે તેની નિશાની શું? તો શાસ્ત્રો કહે છેઃ તમે સાચો ધર્મ પામ્યા હો તો તમારામાં દર્શનાચારના ભાવો આપમેળે જ સ્ફરવાના, તેમનો આચારસદાચાર આવો જ હોય. તમે ધર્મ પામ્યા છો કે નથી પામ્યા તેની નિશાની તરીકે જ આ દર્શનાચારનો વિચાર કરવાનો છે. તમે તમારા આત્માને પૂછો: અમે વર્ષોથી ધર્મ કરીએ છીએ, પણ પામ્યા છીએ ખરા? ધર્મ કરવો જુદી વસ્તુ છે અને ધર્મ પામવો તે જુદી વસ્તુ
શાસ્ત્ર કહે છે: સદ્ધર્મના બીજની આત્મામાં વાવણી થાય ત્યારથી સમજવાનું કે જીવ
એક ક ક ક ક ક ક ક ક ક ક
૩૬
ક ક ક ક ક ક (દ
નાચાર)