Prashnottari

SR No.: 005866
Original Sutra Author: N/A
Author: Yugbhushanvijay
Publisher: Gitarth Ganga
Total Pages: 112
Language: Gujarati
Classification: Book_Gujarati
File Size: 12 MB

Page 83

જેમ રાત્રિભોજનનો ત્યાગ કર્યો તો રાત્રે ખાવાની સર્વ itemના (વસ્તુઓ)ના રાગદ્વેષ કાઢવા પડે. આ પ્રશ્ન બહુ જ ઊંડાણ માગે તેવો છે.
૧૩૫.સભા - જ્ઞાનસારમાં અનુભવજ્ઞાનનું વર્ણન છે, અને બીજે ઠેકાણે એમ કહ્યું છે કે
અમને અનુભવજ્ઞાન થયું છે, તો પછી તેમને કેવળજ્ઞાન થઈ જવું જોઈએ. તો શું ફેર છે? સાહેબજી:- હા,જ્ઞાનસારમાં અનુભવજ્ઞાનનું ખૂબ જ વર્ણન કર્યું છે અને પૂ.આ.શ્રીહરિભદ્રસૂરિ, પૂ. ઉપાધ્યાય શ્રીયશોવિજયજી તથા પૂ.આ. શ્રી હેમચંદ્રસૂરિ બધાએ લખ્યું છે કે અમને અનુભવજ્ઞાન થયું છે. આપણા શાસ્ત્રમાં અનુભવજ્ઞાનનો ખૂબ જ મહિમા ગાયો છે. આત્મામાં અનુભવજ્ઞાન પ્રગટે તેને અરુણોદય કહ્યો છે, જેમ સૂર્ય ઊગે તે પહેલાં અજવાળું ફેલાવાનું ચાલુ થાય છે, જેથી અંધકારનો નાશ થતો જાય છે. પરંતુ તે પૂર્વાચલની લાલિમાતુલ્ય ઝાંખો પ્રકાશ હોય છે. આ અનુભવજ્ઞાનનો પ્રાદુર્ભાવ એક અતિ ઝાંખા પ્રકાશરૂપે અપુનબંધક અવસ્થાથી ચાલુ થાય છે, અને પરાકાષ્ઠાના અનુભવજ્ઞાનનું નામ જ કેવળજ્ઞાન છે. આખો મોક્ષમાર્ગઅનુભવજ્ઞાનથી ભરચક છે. તેથી દરેક વ્યક્તિએ આગળ ચઢવા માટે તે તે ભૂમિકાનું અનુભવજ્ઞાન પામવું પડે.
તેમણે કહ્યું છે, ભગવાનના ગુણોનો આસ્વાદ અમે ચાખ્યો છે, એનો અમને રસાસ્વાદ મળ્યો છે; જે સિદ્ધ થયેલા છે તેમના આત્મામાં જે ગુણો છે અને * તેઓ તેનો રસાસ્વાદ જે મેળવે છે, તેવો અમે થોડો થોડો રસાસ્વાદ મેળવ્યો છે.
કારણ કે તેમને સમકિતની ભૂમિકાનું અનુભવજ્ઞાન થયું છે, પણ તેમને હજુ કેવળજ્ઞાન પામવા માટે બીજી ઉપરની ભૂમિકાઓનું અનુભવજ્ઞાન મેળવવાનું બાકી છે. માટે અનુભવજ્ઞાન થાય એટલે તરત કેવળજ્ઞાન પામી જાય તેવું નથી, કંઈ ભૂમિકાનું અનુભવજ્ઞાન છે તે સમજવું પડે.
૧૩૬ સભા - મયણાનું અમૃતઅનુષ્ઠાન હોવા છતાં આપે તેમના માટે ભારેકર્મી શબ્દ
વાપર્યો તે જરા ભારે લાગે છે. સાહેબજી:- શાસ્ત્રમાં ઘણા ઠેકાણે ભારેકર્મી શબ્દ જુદા જુદા એંગલથી વપરાય છે. જેમ પ્રભુ મહાવીરને ૧૨ વર્ષ સુધી ઉગ્ર સાધના કરવી પડી, તેમ બધા તીર્થકરોને કરવી પડી નથી; તો તેના જવાબમાં શું કહ્યું કે, પ્રભુ ભારેકર્મી હતા. - હવે જો તીર્થકર માટે આ શબ્દ વપરાયો તો મયણાનો તો હજી નવભવ પછી મોક્ષ પનોત્તરી (વચન)