Page Text
________________
૧૩૩.સભા - સાહેબજી! ભગવાનની હાજરીમાં પદ્માવતી દેવીનું પૂજન કરે છે તે
યોગ્ય છે? સાહેબજી:-પહેલાં તો પાર્થપૂજન આવે. તેના બદલે દેવી-દેવતાનાં પૂજન કરો એટલે તેમાં પ્રભુની ગૌણતા આવી ગઈ. ક્યાં પ્રભુ અને ક્યાં દેવી-દેવતા? આપણે ત્યાં જુઓ નવગ્રહ, દેવી-દેવતા બધું છે, પણ તેમનું સ્થાન ક્યાં? માટે તમે મૂર્તિમાં જોજો. નવગ્રહ, દેવી-દેવતા ક્યાં હોય છે? ક્યાંય પ્રભુની ગૌણતા નથવી જોઇએ. તે રીતે શાસ્ત્રીય રીતે બધું થવું જોઈએ. ભગવાનનું પૂજન કર્યા પછી દેવી-દેવતાને યાદ કરવાના છે.
૧૩૪.સભા - પાંચમા ગુણસ્થાનકવાળા અને છઠ્ઠા ગુણસ્થાનકવાળા જીવોના
અધ્યવસાય કેવા હોય? સાહેબજી - આ બહુ જ વિસ્તાર માગે તેવો પ્રશ્ન છે. ટાઈમ લિમિટ ઓછી હોવાના કારણે ટૂંકામાં જ કહી શકાશે. દેશવિરતિ પામે તે પાંચમા ગુણસ્થાનકે હોય અને સર્વવિરતિ પામે તે છઠ્ઠા ગુણસ્થાનકે હોય. તમારા સંસારમાં લાખો, અસંખ્ય પાપો છે. તમે પાપોથી બંધાયેલા છો, પણ તેમાંથી કોઈપણ એક પાપને મન-વચન-કાયાથી તેના રાગ-દ્વેષની નાબૂદીપૂર્વક ત્યાગ કરવાની જે જીવની ભાવના હોય, તે જીવ દેશવિરતિ પામી શકે. તે પાપના બધા જ રાગ-દ્વેષમમતા-આસક્તિ છૂટી જાય તે રીતે પરિણામ જોઈએ. જેમકે તમારે કરોડરૂપિયા સિવાય બીજા બધા પૈસાનો ત્યાગ છે, માટે હવે દુનિયામાં બીજી જેટલી સંપત્તિ છે, તેના માટે તમારે મમતા-આસક્તિ ન જોઈએ; અને જો હોયતો દેશવિરતિનો ત્યાં ભાવ નથી. હવે તમને આવા પચ્ચખ્ખાણ છે અને તે વખતે જો તમારો દિકરો ૨૫ લાખ કમાયો તો તમે રાજી-રાજી ને? અને દિકરો કદાચ બે-પાંચ લાખ ખોવે તો તે વખતે શું થાય? માટે બીજાના પૈસા પર પણ તમને હજી રાગદ્વેષ છે. માટે ત્યાં દેશવિરતિની પ્રાપ્તિને યોગ્ય પરિણામ નથી.
તેમ છઠ્ઠા ગુણસ્થાનક માટે જગતના જીવમાત્ર પ્રત્યે અહિંસાનો ભાવ જોઇએ. પાંચે પાંચ મહાવ્રતના ભાવ આવે પછી જ છઠ્ઠ ગુણસ્થાનક આવે. આ પાંચ મહાવ્રતના ભાવ આવી જાય, પછી બીજા લાખ દોષ હોય તો પણ તે છઠ્ઠા ગુણસ્થાનકે છે અને જો આ પાંચ મહાવ્રતના ભાવ ન હોય અને લાખ ગુણ હોય તો પણ છઠ્ઠા ગુણસ્થાનકે નથી.
પ્રોત્તરી (પ્રવચનો)
| SR No. | 005866 |
| Book Title | Prashnottari |
| Original Sutra Author | N/A |
| Author | Yugbhushanvijay |
| Publisher | Gitarth Ganga |
| Publication Year | |
| Total Pages | 112 |
| Language | Gujarati |
| Classification | Book_Gujarati |
| File Size | 12 MB |