________________
તા. ૧૬-૭-૫, રવિવાર, અષાઢ વદ પાંચમ, ૨૦૫૧
સ્થળઃ ગોવાળિયા ટેંક, મુંબઈ. ૧. સભા - લબ્ધિઓ કઈ કઈ હોઈ શકે?
સાહેબજી :- આત્માની અનંત લબ્ધિઓ છે. અદ્ધર રહેવાની શક્તિ છે, પથ્થરમાંથી સોનું કરવાની શક્તિ છે, ભીંતમાંથી પસાર થવાની શક્તિ છે; જેટલી શક્તિ ખીલે છે તે બધી લબ્ધિ કહેવાય. અનંત શક્તિ સિદ્ધભગવંતમાં હોય છે. આખી દુનિયાને ચપટીમાં ચોળી શકે તેવી શક્તિ સિદ્ધભગવંતમાં હોય છે; પણ તેમનો ઉન્માદ કરવાનો સ્વભાવ નથી. કેવળજ્ઞાન પામે તેમને અનંત લબ્ધિ
હોય છે. ઈન્દ્રો પાસે જે શક્તિ, વૈભવ, સત્તા નથી તેવું સિદ્ધો પાસે હોય છે. ૨. સભા:- મરેલા માણસને જીવતો કરી શકે ખરા?
સાહેબજી - આયુષ્ય હોય તો કરી શકે. આયુષ્ય પૂરું થઈ જાય પછી ના કરી શકે. દુનિયાના ઘણા ધર્મો ઈશ્વરને સર્વશક્તિમાન માને છે. બાઇબલમાં પણ કહ્યું કે ગૉડની અમાપ શક્તિ છે, જે ધારે તે કરી શકે. ત્યારે જૈનદર્શન અહીંયાં જુદું પડે છે. પદાર્થવિજ્ઞાનના સિદ્ધાંતવિરુદ્ધ, અશક્યને શક્ય બનાવવાની શક્તિ ઇશ્વરમાં પણ નથી, આવું જૈનદર્શન માને છે. સંભવિત ફેરફાર કરવાની શક્તિ ઇશ્વરમાં છે.
અનંતા તીર્થકરો ભેગા થાય તો પણ જડને ચેતન ન બનાવી શકે. પદાર્થવિજ્ઞાનની દૃષ્ટિએ વાત છે કે જડને ચેતન ન બનાવી શકાય. આપણો ધર્મ - સંપૂર્ણ પદાર્થવિજ્ઞાન ઉપર આધારિત છે. શક્ય બધું કરી શકે તેનું નામ ઈશ્વર. ૩. સભા - ખુદાની બંદગી કરે તો ખુદા જીવાડી શકે? " સાહેબજી:- આયુષ્ય પૂરું થયું હોય તો તેને ન જીવાડી શકે, પણ અકાળ મૃત્યુ
થતું હોય તો જીવાડી શકે. આકસ્મિક મૃત્યુ થતું હોય તેના જીવનને ધર્મ અને 'ઈશ્વર બંને જીવાડી શકે. તેવી શક્તિ બંનેમાં છે. પોતી (પ્રવચનો)
