________________
તેમ
“અધ્યાત્મરવિ ઉગ્યો મુજ ઘટ’
રાત્રિના પ્રગાઢ અંધકારનો નાશ કરતો... સહસ્ત્ર કિરણો વડે હાસ્ય રેલાવતો... સમગ્ર વિશ્વને દર્શનમાત્રથી પ્રમોદિત કરતો... એવો આભની અટારીયે ઉગેલો સુરજ ! જેમ પૃથ્વીને સજીવન બનાવે છે.
મોહરૂપ અંધકારમાં અટવાયેલા...
સુખ-દુઃખના દ્વન્દ્વોમાં અથડાતા... રાગ-દ્વેષના નિબિડ ભ્રમમાં ભરમાયેલા..
આ વિશ્વના જીવોના... ઘટ ઘટમાં જ્યારે અધ્યાત્મનો સુરજ ઉગે છે ત્યારે ક્યારેય ન અનુભવી હોય તેવી અપૂર્વ શાંતિ, અદ્વિતીય આનંદ અને અનુપમ સુખ, ચેતનામાં પ્રગટતા આત્મદેવ સપ્રાણ બને છે. એટલે જ તો ભક્ત હૃદયી પૂ. ઉપા. વિમલવિજય મ.નાં શિષ્ય રામવિજયજી મહારાજ સોલમાં શાંતિનાથ ભ.ના સ્તવનમાં ગાયું છે- .
“અધ્યાત્મ રવિ ઉગ્યો મુજ ઘટ, મોહ તિમિર હર્યું જુગતે”
આવો અધ્યાત્મસુરજ ! વિશિષ્ટ કોટિના મહાપુરુષોના આત્મરૂપી ઘટમાં ઉગે છે.
તેની જેમ મહાપુરુષોને છાજે તેવા ઉચિત ગુણોવાળા ગુરૂમાના આત્મારૂપી ઘટમાં અનુભવ સુરજ ઉગ્યો.
પૂ. ગુરુમા વિ.સં. ૨૦૧૬ના કડીના ચાતુર્માસ બાદ વિહાર કરીને ભોયણી પધાર્યા. ત્યારે ૫.પૂ. અધ્યાત્મયોગી પં. પ્રવર ભદ્રંકર વિ. ગણિવર્યશ્રીના આદેશથી સુશ્રાવક બાબુભાઈ કડીવાળાએ ભોયણી તીર્થપતિ મલ્લિનાથ ભગવાનના સાન્નિધ્યમાં શક્રસ્તવ મહાસ્તોત્રનો નિત્યપાઠ શરૂ કરાવ્યો. સમય જતાં પરમાત્માના
૨૩
