Page Text
________________
આમ સિદ્ધસેન દિવાકરસૂરિજીની સર્વતોમુખી પ્રતિભાથી જૈનશાસનમાં સૌ કોઈ પરિચિત છે. તેમની આ કૃતિ સર્વસ્તોત્રોમાં સર્વોપરિતાને પામી છે. પરમાત્મા પ્રત્યેનો, અનહદ પ્રેમ, અનન્ય ભક્તિભાવ, અસાધારણ બહુમાન એ તેમની વિશેષણ ગર્ભિત સ્તુતિ દ્વારા જ ખ્યાલ કરી શકાય છે. જુદા જુદા વિશેષણો દ્વારા પ્રભુને સ્તવવાથી સાધક અને ઉપાસક એવા આત્માને જ્ઞાનાવરણીયના ક્ષયોપશમ સાથે મોહનીયનો ક્ષયોપશમ જાગે છે. જ્ઞાનાવરણીયના ક્ષયોપશમથી બોધ સૂક્ષ્મ થાય છે તો મોહનીયના ક્ષયોપશમથી બોધ સ્વચ્છ અને નિર્મળ બને છે. પરમાત્માના એક એક વિશેષણોનું જો અર્થની વિચારણાપૂર્વક ગંભીર ચિંતવન કરવામાં આવે તો એક એક વિશેષણ ગારૂડિક મંત્રનું કામ કરે છે. પરમાત્માના શુદ્ધસ્વરૂપની ઓળખ એ જુદા જુદા વિશેષણોથી અર્થ સભર ચિંતન કરવા પૂર્વક છે. વર્ધમાન શક્રસ્તવ એ જૈનશાસનનો અમૂલ્ય ખજાનો છે. સિદ્ધસેન દિવાકરસૂરિજીએ જૈનશાસનને આપેલી મહામૂલી ભેટ છે એના પદે પદે અમૂલ્ય મૌકિતકો વેરાયેલા છે. એનું મૂલ્ય સોના, ચાંદી, હીરા, મોતી કે રત્નોથી થઈ શકે તેમ નથી.
જેને એકને એક માત્ર આત્મા જ પામવો છે તેના માટે આની તોલે આવી શકે તેવું વર્તમાનમાં બીજું કોઈ સ્તોત્ર જોવામાં આવતું નથી. આ સ્તોત્રના મર્મને પામીને અનેક આત્માઓ પોતાનું ભવ ભ્રમણ અટકાવે અને શીઘ્ર મુક્તિ સુખના ભોકતા બને એવા એક માત્ર કલ્યાણકારી આશયથી આ સ્તોત્ર ઉપર વિસ્તારથી વિવેચના લખનાર છે બાપજી મહારાજાના સમુદાયના વિદુષી સાધ્વીજી શ્રી પદ્મલતાશ્રીજી.
જગતના જીવોની ભાવદયાથી પ્રેરાઈને તેમણે આ સ્તોત્ર ઉપર કલમ ચલાવી છે. લેખિકા પોતે આત્માની અનુભૂતિ કરી ચૂકેલા છે તે વાત તેમણે પોતે લખેલ સાધકનો અંતર્નાદમાં નેમિ પસાયે લાધ્યો અનુભવ કણ'ની પંક્તિથી જાણી
શકાય છે..
જૈન શાસનમાં મોટા મોટા ધુરંધરોને પણ દ્રવ્યાનુયોગ ઉપર કલમ ચલાવવી એ કઠિન લાગે છે ત્યારે એક સાધ્વીજી પોતે દ્રવ્યાનુયોગ ઉપર ધારદાર કલમ ચલાવે અને મરજીવીયા બનીને અધ્યાત્મ મહાસાગરમાંથી અનુભૂતિના રત્નો લઈ આવે એ વાત અતિ-અતિ-અતિ આનંદ સાથે આશ્ચર્ય ઉપજાવે છે.
૧૯
| SR No. | 005864 |
| Book Title | Shakrastava |
| Original Sutra Author | N/A |
| Author | Padmalatashreeji |
| Publisher | Premilaben Jayantilal Shah |
| Publication Year | 2012 |
| Total Pages | 224 |
| Language | Gujarati |
| Classification | Book_Gujarati |
| File Size | 5 MB |