________________
શી દશવૈકાલિક વાચન - 31
પ્રશ્ન - પૃથ્વી સચિત્ત છે, જીવમય છે તો પછી તેમાં જીવોની વિરાધનાનો સંભવ છે તો સાધુને ચંડીલ માત્રુ પરઠવવા જવું તો પડે છતાં સાધુ અહિંસક કેમ ઘટે ?
ઉત્તર :- પૃથ્વી સ્વકાય શસ્ત્ર, પરકાય શસ્ત્ર અને ઉભયકાય શસ્ત્રથી અચિત્ત બને છે. સ્વકાય શસ્ત્ર-પૃથ્વીના ભેદ લાલ-પીળી-કાળી માટી વિગેરે. ગામ તણે પઇસારે નિસારે પગ પડિલેહણ કરવાનું કારણ કે ગામની અંદર માટીના પરમાણુ અચિત્ત હોય તેમજ ગામ બહાર કેડી પ્રમાણે જ ચાલીએ તો તે અચિત્ત હોવાથી પૃથ્વીના જીવોની વિરાધના ન થાય. પણ જ્યારે કેડી વગરની પૃથ્વી ઉપર ચાલવાનું થાય તો સચિત્ત અને અચિત્ત પૃથ્વીના પરમાણુ ભેગા થવાથી સચિત્ત પૃથ્વીના જીવોને અચિત્તના પરમાણુ દ્વારા કિલામણા થાય એ સ્વાય શસ્ત્ર માટે ગામમાં પેસતાં-નિસરતા દંડાસણથી, પગ પડિલેહવા. હાલમાં જે ખાલી વિધિ થાય તેમ નહી પણ દંડાસણ કાઢીને ઉપયોગ પૂર્વક પડિલેહવા. કોઈ ગૃહસ્થ બેઠા હોય તેમની સામે ન પલેવવા... કારણ તેમને શંકા થાય કે આ કોઈ કામણ કરે છે " માટે...! - પરકાય શસ્ત્ર - પૃથ્વીકાય સિવાયના જીવો દ્વારા જે છેદન-ભેદન થાય તે. જોરદારપવન ચાલે તે વાયુ વનસ્પતિનો રસ ઝરે, અગ્નિના જીવો ભેગા થાય, અપકાય વરસે આદી જીવો દ્વારા જે વિરાધના...તે પરકાય શસ્ત્ર કહેવાય. શ્રી દશવૈકાલિક વાચના- ૩૧ ~ ~ (૧૫)