________________
ભગવાનના કહેલા શબ્દોથી ક્ષયોપશમ ભાવ ઉત્પન્ન થાય માટે તે શ્રુતજ્ઞાનનું કારણ છે. તીર્થંકરને દ્રવ્ય શ્રુતજ્ઞાન હોય. શ્રુતમ્ અવધૃતમ. અવવૃદ્ધિતમ્ પર્યાયવાચી શબ્દો છે. આયુષ્ય જેને છે તે આયુષ્યમાન્ ! તેમ ભગવાન-સમગ્ર ઐશ્વર્ય રૂપ યશને ધારણ કરે તે ભગવાન્ !
કેવલજ્ઞાનની મર્યાદાથી જાણીને અહીં ષડ્જવનિકાય અધ્યયન બતાવ્યું.
આયુષ્યમાન-પ્રશસ્ત વિરતિના પરિણામને ધારણ કરીને જેને જીવન સફળ બનાવ્યું તે આયુષ્યમાન્. અયોગ્યને શાસન ન આપે. એમાં પણ અનુકંપા અને ભાવદયા છે. જેમ કાચા ઘડામાં પાણી નાખવાથી ઘડાનો જ નાશ થાય. માટે ગંભીરતા ન હોય તેને જ્ઞાનશાસ્ત્ર ન આપે. જે ધર્મના સાચા સ્વરૂપને સમજ્યો નથી તે બીજાને ઉપદેશ આપી ન શકે.
શ્રી દશવૈકાલિક વાચના - ૨૯