________________
સિધ્ધક્ષેત્રનું વાયુ મંડલજ એવું છે કે થોડું કરવાથી ઘણો લાભ મલે. ધર્મની, તપની, ક્રિયાની મહત્તા વધી, પણ આશા છે ? એ વિચારવું.
તપ પછી ઓચ્છવ કરાવવા એ અહંભાવનું પોષણ છે.
ધર્મસંગ્રહનો બીજો ભાગ, પંચવસ્તુ, ઓધનિર્યુક્તિ શ્રી દશવૈકાલિક એ સાધુ સમાચારી માટે જરૂરી છે. એના આધારે કરેલ વિશિષ્ટ આરાધના મોક્ષ તરફ આગળ વધવામાં સહાયક બને છે.
સેંકડો વર્ષ થવા છતાં પરમાત્માનું શાસન...એક છત્રીય ચાલી રહયું છે. એનું મજબૂત કારણ આગમો છે. નોળવેલની સુગંધથી નોળીયો ભયંકર સર્પને હરાવી દે છે. એમ પ્રભુના આગમથી મોહનીયનું ઝેર ઉતારવાનું છે. કર્મ વિષને ઉતારવા સૂત્રએ મંત્ર છે. ધર્મએ માર્ગ છે. શાસન એ દિશા છે. દિશા નક્કી કર્યા પછી જ માર્ગે ચાલવા નક્કી કરવું જોઇએ.
ચિત્તપ્રસાદ, ચિત્તપ્રસન્નતા એજ તેજો લેશ્યા છે. રત્નાકરની પાસે જવા માત્રથી કે પ્રાર્થના કરવાથી રત્નો પ્રાપ્ત ન થાય. માત્ર છીપલા મળે. એને વટાવવાથી કેટલી કિંમત મળે ? ઋિત્િ મોતી કયારે મળે ? મરજીવા બને, ઊંડા ઉતરે તો. પ્રભુમહાવીરની ૧૨૫ વર્ષ સુધી કેટલી ભવ્ય અપ્રમત્તતા હતી. ત્યારે એ મોતી પાકયા અને મળ્યા આવું રૂડું શાસન પામીને આપણે કંઇક કરીએ તો જ લાભ છે.
શ્રી દશવૈકાલિક વાચના- ૨૨
૧૧૮
