________________
625
, હૃદય નયન નિહાળે જગધણી
પ્રસ્તુત કડીમાં આવેલ “આધાર’ શબ્દને લઈને પ્રસંગોપાત આ ખુલાસો કરવો ઉચિત જણાયો માટે કર્યો છે. આપણે માત્ર આપણા આત્માનો આધાર લઈને જ જીવવાનું છે. બીજા કોઈનો ખોટો આધાર લઈને ન જીવાય તે માટેની કાળજી રાખવાની છે.
પ્રભુમુખથી એમ સાંભળી, કહે આતમરામ રે, તારે દરિસણે નિસ્તર્યો, મુજ સીધાં સવિ કાજ રે.. શાંતિ.૧૨
અર્થ : સાક્ષાત્ જાણે કે પ્રભુના મુખથી આ પ્રમાણે શાંતિનું અનુપમ સ્વરૂપ સાંભળીને અંતરમાં અત્યંત આલાદ પ્રગટ્યો અને તેથી આત્મરમણતા થઈ અને પોતાનો આત્મા આતમરામ બન્યો માટે યોગીરાજ કહે છે કે હે નાથ ! આજે હું આપ ત્રિલોકનાથનાં દર્શનથી વિસ્તારને પામી ગયો છું !
હે નાથ! આપના દર્શનથી તો જાણે હું સંસાર સાગર તરી ગયો છું. મારા સર્વ મનોવાંછિત આજે સિદ્ધ થઈ ગયા છે. મારી સર્વ કામનાઓ આજે સિદ્ધ થઈ છે.
વિવેચનઃ સોળમા શ્રી શાંતિનાથ ભગવાનના મુખથી શાંતિપદની પ્રાપ્તિનો ઉપાય સાંભળીને યોગીરાજનો આત્મા અતિભારે હર્ષના આનંદમાં આવી ગયો. તેથી ભાવભીના હૃદયે પ્રભુ આગળ અહોભાવ બતાવી રહ્યો છે કે હું મારા નાથ ! હે કરુણાના સાગર ! હે શાંતિના દૂત ! શાંતિના અવતાર ! આપના પ્રત્યક્ષ આત્મસ્વરૂપના દર્શને મારા આંતર પટ પર પરમ શાંતિ છલકાઈ રહી છે. હવે મને ચોક્કસ ખાતરી થઈ છે કે શાંતિસ્વરૂપના દર્શન થયા છે માટે મારો સંસારથી શીઘ્રનિસ્તાર થશે જ. વિસ્તાર પામવાનો માર્ગ મને હાથ ચડી ગયો છે. હું શાંતિપથ પર પ્રયાણ
જીવનું સ્વરૂપ જ્ઞાન છે અને જ્ઞાનનું સ્વરૂપ પૂર્ણ આનંદ છે.
