________________
आमिसभक्खणचाओ सत्त दिणाणीह मासमज्झम्मि। जस्स पभावेण कओ खेमकरो सो गुरू जयउ ॥ ३२ ॥ उच्छवपुव्वं जेणं कया पइट्ठा जिणस्स पडिमाणं। भूवइसक्खं दिक्खा दिना संविग्गसड्ढस्स ॥३३॥ अह थानसिंहमंती कारेइ जिणस्स सुंदरपइटुं। हयरासि-मुद्दिआई-दाणं दिन्नं पमोएणं ॥३४॥ मग्गणजणस्स दिन्नं गयदाणं जस्स सावरणावि। पुणरवि लक्खपसाओ कओ अ एगस्स गीअस्स ॥ ३५ ॥ वायगपयं च दिन्नं सेवापरसंतिचंदविबुहस्स। रन्नो अकब्बरस्स य समत्थआउज्जनिग्घोसे - ॥ ३६॥ तह मेडताभिहाणे नागपुरे तह य सूरतिप्पमुहे। . नयरे धनविजयेणं' जिणगेहे ठाविआ पडिमा ॥३७॥ सयलभयाणं च हरो कंचणवन्नो विसुद्धविन्नाणो। सदसणेण कलिओ सोभागी कन्हजणउव्व ॥३८॥ पज्जुन्नरूवकंतो खंतो दंतो पसस्सगुणनिलओ। एरावणगइकंतो . सुधम्मझाणट्ठिओ भयवं ॥३९॥ सिरिहीरविजयसूरि-सीसवरो विजयचंदविबुहेसो। सिद्धबलसोमकित्ती जिअविज्जासुरगुरू (?)तस्स ॥४०॥ एवं भत्तिभरेणं सीसेणं संथुयो गयकलंको। सिरिहीरविजयसूरी जुगपवरो परमसुहहेऊ ॥४१॥
ICE
BOOOOO
