________________
श्रीहीरविजयसरिस्वाध्यायः ॥ ..
इह विमल धम्मसायर-हिमकरकिरणोवमं महावीरं। . नमिऊण हीरविजयं विणये विणयेण . थुत्तपहं . ॥ १ ॥ तुह हीरविजय! सुर-सुकित्तिकमला जणद्दणं मिलिउं। जाणे सायरमझं पत्ता कविपोअमारूढा ॥ . २ ॥ तुह कित्तिदिव्वकमला जई वि भुवण-थलोअसेणीहिं। रमइ तहावि बुहेहिं प्पसस्सचरिआ समक्खाया : ॥ ३ ॥ तुह कित्ति दिव्वगंगा-तरंगसंबिंदुआ . समुच्छलिआ। जाणे गगणे ते खलु तार-कलावा इमे संति ॥ ४ ॥ मुणिव! तुह कित्तिगंगा विणिम्मिआ. वेहसा जणालीणं। जाणे पुव्वसमज्जिअ-पावपणासाय लोयतिए ॥ ५ ॥ देव! तुह कित्तिगंगा-सलिलं सवणेण पीअमित्तं पि। सयलिंदिआण तित्तिं . जणइ छुहाणासणं भदं ॥ ६ ॥ सूरिवरकित्तिगंगा-मज्झं जे किड्डयंति सप्पुरिसा।। तज्जलउज्जलदेहा हवंति ते. नो पुणो समला ॥ ७ ॥ सयलसुहकित्तिगंगा साहव (?) तुह मेरुउव्व भूमिअले। विट्ठउ सुरवरलब्दे-प्पकाम कीला सुहा सुभगा ॥ ८ ॥ मुणिपउमबोहदिणयर-सरिससरूवस्स हीरविजयस्स। थुत्तपहपडियलोओ गच्छइ तुरिअं हि मुक्खपुरं ॥ ९ ॥
इति श्रीहीरविजयसूरि स्वाध्यायः पद्मसागरगणिकृतः ॥
नाना
कलाकार MOONDONDON६ DOWDOWDOWDow
