________________
४८
સૂત્રસંવેદના-પ
નામો વડે શાંતિનાથ ભગવાનની વિશેષતા દર્શાવી તેમની સવિશેષ સ્તવના કરવામાં આવી છે. નવરત્નમાલા સ્તવના :
સાતમીથી પંદરમી-એમ નવ ગાથાઓમાં શાંતિનાથ ભગવાનની સ્તવનાથી સંતુષ્ટ થયેલા વિજયાદેવીનું સ્વરૂપ કેવું છે અને જગતનું હિત કરવાની તેઓ કેવી શક્તિ ધરાવે છે તેની સુંદર છણાવટ કરતાં ચોવીસ વિશેષણોથી તેમની સ્તવના કરેલી છે. આ નવ ગાથાને “જયા-વિજયા નવ રત્નમાલા' ધેવાય છે. સ્તવનું ફળ અને સ્તવકર્તાનો નામોલ્લેખઃ
સ્તવના કર્યા પછી સોળમી ગાથામાં ૫.૫ માનદેવસૂરીશ્વરજી મહારાજાએ સ્પષ્ટ કર્યું છે કે આ વિશિષ્ટ રચના મેં મારી મતિ કલ્પનાથી નથી કરી; પરંતુ પૂર્વાચાર્યોએ દર્શાવેલા મંત્રોને મેં માત્ર આ સ્તવમાં ગોઠવવાનું કાર્ય કર્યુ છે. આવું જણાવી તેઓશ્રીએ સૂચિત કર્યું છે કે, આ સ્તવની રચના ગુરુ આમ્નાયપૂર્વક થઈ છે. આ સાથે જ અહીં એ પણ જણાવવામાં આવ્યું છે કે આ સ્તવ ભક્તજનોના ભૌતિક ક્ષેત્રે આવતા ભયો નિવારી તેમને શાંતિ અર્પે છે. વળી આ સ્તવ માત્ર ભૌતિક સુખ નહિ પણ આધ્યાત્મિક સુખ પણ પ્રાપ્ત કરાવે છે તેમ સત્તરમી ગાથામાં જણાવીને, આ સ્તવના ફળનો નિર્દેશ કર્યો છે અને તે સાથે જ તેમાં પોતાના નામોલ્લેખ દ્વારા પોતાને પણ આ સુખ મળે તેવી ભાવના સ્તવકર્તાશ્રીએ વ્યક્ત કરી છે.
ભગવદ્ભક્તિ અને જૈન શાસનનું મહત્ત્વ :
અંતિમ બે ગાથાઓમાં પરમાત્માની ભક્તિનું ફળ અને જૈનશાસનનું મહત્ત્વ શું છે ? તે જણાવ્યું છે.
આ અતિપ્રાચીન સ્તવની રચના પ્રભુ મહાવીરની ૧૯મી પાટે બિરાજમાન છે. પૂ. માનદેવસૂરીશ્વરજી મહારાજાએ કરેલ છે. તેની ઉપર મુખ્યત્વે બે ટીકાઓ તથા અવચૂરિ મળે છે, તેમાંથી અહીં વિવેચન કરવાના અવસરે જ્યારે જ્યારે જરૂર પડી ત્યારે પ.પૂ હર્ષકીર્તિસૂરીશ્વરજી મહારાજની ટીકાનો સહારો લીધો છે.
મંત્રમય અને ચમત્કારિક આ સ્તવનું મનન-પરિશીલન અતિ કલ્યાણકારી બને છે.