Sutra Samvedana Part 05

SR No.: 005839
Original Sutra Author: N/A
Author: Prashamitashreeji
Publisher: Sanmarg Prakashan
Publication Year: 2010
Total Pages: 274
Language: Gujarati
Classification: Book_Gujarati
File Size: 15 MB

Page 118

લઘુ શાંતિ સ્તવ સૂત્ર
૧૦૫
ભગવાનનું આ સ્તવ, પૂર્વસૂરિદર્શિત એટલે પૂર્વના આચાર્યોએ બતાવેલા મંત્રપદો, તેનાથી વિદર્ભિત એટલે રચાયેલું છે.
સંપૂર્ણ સ્તવની રચના કર્યા પછી છેલ્લે હવે સ્તવકાર માનદેવસૂરીશ્વરજી મહારાજા જણાવે છે કે, “છેલ્લે મારે તમને એટલું જ કહેવું છે કે, આ સ્તવ મારી કોઈ કલ્પનાનું શિલ્પ નથી કે મારી બુદ્ધિનું ચાતુર્ય પણ નથી. આ તો માત્ર પૂર્વના આચાર્યોએ શ્રુતસમુદ્રનું મંથન કરી જે મંત્રરૂપ મોતીઓ શોધેલા, તે મોતીઓ મારી નજરે ચડ્યા અને તો માત્ર એ મંત્રરૂપ મોતીઓને શાંતિનાથ ભગવાનના સ્તવરૂપ આ હારમાં ગોઠવ્યા છે.”
આ કથન દ્વારા સ્તવકારશ્રીના હૃદયની બે ઉત્તમ વાતો જણાઈ આવે છે. એક તો તેમની લઘુતા અને બીજા નંબરે તેમની સર્વજ્ઞના વચન ઉપરની શ્રદ્ધા. પ. પૂ.માનદેવસૂરીશ્વરજી મહારાજા શક્તિસંપન્ન હતા. તેમનો પુણ્ય પ્રભાવ પણ અચિન્હ હતો. જયા-વિજયા જેવી દેવીઓ તેમની સેવામાં સતત હાજર રહેતી. તેઓ ધારે તો પોતે સ્વતંત્રપણે સ્તવ રચી શકતા હતા. આમ છતાં તેમણે પૂર્વસૂરિઓના રચેલા ગ્રંથોમાંથી મંત્રો ઉદ્ધરી આ શાન્તિસ્તવની રચના કરી. આમાં વડિલોનો વિનય, શ્રદ્ધા, બહુમાન અને તેમની સામે હું કાંઈ નથી - તેવો લઘુતાનો ભાવ સ્પષ્ટ જણાઈ આવે છે. , વળી, પોતે સમજે છે કે ગમે તેમ તો ય હું છદ્મસ્થ છું. અતીન્દ્રિય એવો મોક્ષમાર્ગ કેવળી સિવાય કોઈ સ્પષ્ટપણે જોઈ શકતું નથી. તેથી કેવળીના વચનના સહારે ચાલવામાં આવે તો જ હિત થઈ શકે છે. આથી તેઓ જણાવે છે કે આ સ્તવમાં જણાવેલા મંત્રો વગેરે મારા નથી સર્વજ્ઞ વચનનો સહારો લઈ પૂર્વપુરુષોએ જે શાસ્ત્રો રચ્યા છે, તે શાસ્ત્રોમાંના આ મંત્રો છે. આમ કહેવા દ્વારા તેઓશ્રી મુમુક્ષુઓની આ સ્તવ પ્રત્યેની અને સર્વજ્ઞના વચન પ્રત્યેની શ્રદ્ધાને દઢ કરે છે.
સામિય-વિનાશી શાનિરશ પવિત્તમતીમ્ - (આ શાંતિસ્તવ) ભક્તિવાળા જીવોના પાણી આદિ ભયોનો નાશ કરનાર અને શાંતિ આદિ કરનાર છે.
મંત્રયુક્ત આ સ્તવની શક્તિ શું છે તે જણાવતા હવે સ્તવકાર શ્રી કહે છે કે, શાંતિનાથ ભગવાન પ્રત્યે જેઓ ભક્તિભાવ ધરાવે છે અને ભાવથી જેઓ આ મંત્રની આરાધના કરે છે, તેવા ભક્તો માટે શાંતિનાથ ભગવાનનું આ સ્તવ પાણી,