Page Text
________________
લઘુ શાંતિ સ્તવ સૂત્ર
૧૦૩
પામનારી (ખુશ થનારી) ,જયાદેવી' એવા વિશિષ્ટ ઉલ્લેખ દ્વારા ખવાયેલી જયાદેવી.
જયાદેવી શાંતિનાથ ભગવાનની પરમ ભક્ત છે. જ્યારે સાધક શાંતિનાથ ભગવાનનું નામ ઉચ્ચારે છે ત્યારે દેવી ખુશ થાય છે. તેમની આ ખુશી જ તેમની ભક્તિ અને ગુણગરિમાને સૂચવે છે. આ રીતે સ્તુતિ કરાયેલી જયાદેવી શાંતિનાથ ભગવાનને નમસ્કાર કરનારને શાંતિ અર્પે છે. જેમ સુપુત્રો કે સુશિષ્યો જાણે છે કે મારામાં જે કાંઈ છે તે મારા વડીલોના કારણે છે; સ્વયં મારામાં કાંઈ નથી. તેથી તેઓ પોતાના પૂજ્યોના નામે ઓળખાવવામાં પોતાની ધન્યતા માને છે. તે જ રીતે જયાદેવી પણ જાણે છે કે, “મારામાં જે કાંઈ છે તે મારા સ્વામી શાંતિનાથ ભગવાનનો જ પ્રતાપ છે. તેમના વિના આ જગતમાં મારું અસ્તિત્વ પણ સંભવિત નથી. હું તો સંસારી છું, મારી શક્તિ સીમિત છે. હું આપી આપીને સામી વ્યક્તિને શું આપી શકવાની છું ? મારા નાથ શાંતિનાથ પ્રભુ અનંત શક્તિના સ્વામી છે. તેમની ભક્તિ અને અનંત જ્ઞાનાદિ ગુણ-સંપત્તિના સ્વામી બનાવી શકે છે. આથી જ જેઓ શાંતિનાથ ભગવાનના નામપૂર્વક જયાદેવીની સ્તવના કરે છે તેઓને જયાદેવી શાંતિ અર્પે છે. •
અથવા
જ્યારે શાંતિનાથ ભગવાન માટે વપરાયેલા મંત્રાક્ષરો પૂર્વક જયાદેવી સ્તવાય છે, ત્યારે સ્તવાયેલી જયાદેવી ખુશ થઈ શાંતિનાથ ભગવાનને નમસ્કાર કરનારા લોકો માટે શાંતિ કરે છે; તેમને થયેલા ઉપદ્રવોનું નિવારણ કરે છે અને સાધનાને યોગ્ય વાતાવરણ ઊભું કરી આપે છે.
નમો નમ: શાન્ત ત - તે શાંતિનાથ ભગવાનને નમસ્કાર થાઓ, નમસ્કાર થાઓ.
જે શાંતિનાથ ભગવાનના નામાક્ષર પૂર્વક સ્તરાયેલી જયાદેવી શાંતિ કરે છે તે શાંતિનાથ ભગવાનને મારો પુનઃ પુનઃ નમસ્કાર થાઓ. અહીં “નમો' શબ્દનો બે વાર ઉચ્ચાર હૃદયના ભાવોની અતિશયતાને જણાવનાર છે.
આ રીતે સ્તવકારશ્રીએ શાંતિનાથ ભગવાનને નમસ્કાર કરવારૂપ નવરત્નમાલાનું અંતિમ મંગળ કર્યું છે.
| SR No. | 005839 |
| Book Title | Sutra Samvedana Part 05 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2010 |
| Total Pages | 274 |
| Language | Gujarati |
| Classification | Book_Gujarati |
| File Size | 15 MB |