Page Text
________________
ભાષામાં ધાર્મિક અભ્યાસ કરાવી ગુરુદેવે મારામાં એક અનેરી જ્ઞાનરુચિ પ્રગટાવી છે જેના કારણે આજે જીવન સ્વાધ્યાયના આનંદમાં ખૂબ સુંદર રીતે પસાર થાય છે. એમનો ઉપકાર હું ભવોભવ યાદ કરીશ અને ભવાંતરમાં પણ મારો હાથ છેવટ સુધી પકડતા રહે એવી અભિલાષા સેવું છું.
મારા મોટા પુત્ર રમેશભાઈ તથા અ.સૌ. પારૂલ બરોડા રહે છે. પ્રફુલભાઈ તથા અ. સૌ. કર્ણિકા અમેરીકા ન્યુજર્સીમાં રહે છે, ડૉ. અરવિંદભાઈ તથા અ.સૌ. નયના વોશીંગ્ટનમાં રહે છે. ચિ. ભાઈ નરેન્દ્ર ૨૦૦૧ની સાલમાં કિડનીની બીમારીમાં ૪૮ વર્ષની ઉમરે નિધન થયું. તેમના પત્નિ ફાલ્ગની બોમ્બે રહે છે અને સૌથી નાના પુત્ર ચિ. નીરૂભાઈ તથા અ.સૌ. મીના અહીં દિલ્હી ગુરગાંવમાં રહે છે. અમે છ વર્ષથી અહીં દિલ્હીમાં રહીએ છીએ. મને બધી જગ્યાએ ધર્મધ્યાનની અને વાંચનની સારી સુવિધા મળી રહે છે. આ પણ બધો ગુરુકૃપાનો જ પ્રભાવ છે.
થોડા દિવસ પૂર્વે “સૂત્ર સંવેદના-૪મને મળી. “વંદિત્ત” સૂત્રનું વિવરણ વાંચતા ગુરુ મહારાજની વાતો ઉપસ્થિત થવા લાગી. વર્ષો પહેલા ગુરુ મહારાજશ્રીએ જે ચિત્તવૃત્તિનું ઘડતર કરેલું તેને પુનઃ તાજું કરવાના અનેક મુદ્દાઓ મળવા લાગ્યા, ત્યાં પાદ નોંધમાં અનેક સ્થાનોમાં જણાવ્યું હતું કે સૂત્ર સંવેદના પહેલા ભાગ-બીજા ભાગમાં જોવું. તેથી પહેલો બીજો ભાગ પણ મેળવવાની ઘણી જ ઈચ્છા થઈ; પણ પાછળના પાના જોતાં જણાયું કે હવે આ બુક અપ્રાપ્ય છે. તેથી મારી પ્રબળ ભાવના જાગી કે ભાગ-૧ અને ભાગ-૨ પણ પ્રાપ્ય બને અને તેની નવી આવૃત્તિ છપાવવાનો લાભ અમને મળે અને શ્રુતભક્તિ કરી અમે અમારા દ્રવ્યનો સદુપયોગ કરીએ અને તે શ્રત દ્વારા અનેક જીવ પ્રભુના માર્ગનો બોધ મેળવી કલ્યાણ સાધે.
આ પુસ્તકમાં જે રીતે સૂત્રોને ગંભીર અર્થસભર વિસ્તારથી સમજાવ્યા છે, તે ખરેખર ખૂબ ઉપયોગી છે. વાંચ્યા પછી સૂત્રો બોલતાં ખૂબ જ ભાવોલ્લાસ જાગે છે. કદાચ જે ઊંડાણથી ગુરુ મ.શ્રીએ અર્થ સમજાવ્યા છે, તે ક્રિયાકાળમાં ઉપસ્થિત થવા લાગે તો ક્રિયાના મર્મ સુધી પહોંચી શકીએ. લોકોને બરાબર સમજાય એવી રીતે જો ગૂઢાર્થ શીખવવામાં આવે તો અત્યારના બાળકો શીખે એવા છે. તેઓ એવા એવા પ્રશ્નો પૂછે છે કે, “આમ શા માટે કરવાનું ?” વિગેરે વિગેરે. તેમના પ્રશ્નનો જવાબ હું આપી શકતી નથી. કોઈ સમજાવે તો અનેકની તાત્વિક જિજ્ઞાસા સંતોષાય. મારી આ ભાવનાનો સ્વીકાર કરી ગુરુ માશ્રીએ અમારી ઉપરના ઉપકારોમાં અનેકગણો વધારો કર્યો છે. આપ સૌ પણ આ પુસ્તકને એક અભ્યાસના પુસ્તક તરીકે ધ્યાનથી વાંચશો, તેની ઉપર ચિંતન, મનન કરશો અને ક્રિયા કરતાં કે નવકાર મંત્રનો જાપ કરતાં તેને સ્મૃતિમાં રાખશો; તો પ્રભુની સાથે તાદામ્ય સાધી શકશો.
ગણધર રચિત આ સૂત્રોના સહારે આપણે સહુ મોહના બંધનોને તોડી વહેલામાં વહેલા મુક્તિ સુખના ભોક્તા બનીએ એ જ શુભાભિલાષા.
લિ. કમળાબેન મહાસુખભાઈ મહેતા
D1401, Central Park sector, 42-Gurgaon XAURRALALALALALALALALALALALALALAURERERERURURSA
| SR No. | 005835 |
| Book Title | Sutra Samvedana Part 01 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2008 |
| Total Pages | 244 |
| Language | Gujarati |
| Classification | Book_Gujarati |
| File Size | 13 MB |