Sutra Samvedana Part 01

________________ - શ્રી સામાયિક લેવાની વિધિ ૨૦૭ ત્યાર પછી સામાયિકના કાળમાં લાગેલાં પાપનું પ્રાયશ્ચિત્ત કરવા માટે અન્નત્ય બોલી, એક લોગસ્સનો કાયોત્સર્ગ કરવામાં આવે છે. આ લોગસ્સનું સ્મરણ સામાયિક દરમ્યાન લાગેલા પાપનાશના પ્રણિધાનપૂર્વક કરવાનું છે. આવા પ્રણિધાનપૂર્વક અને ચિત્તની એકાગ્રતાથી ર૪ જિનની સ્તવના કરવાના કારણે કાયોત્સર્ગથી ચિત્ત ખૂબ નિર્મળ બને છે. આ નિર્મળ ચિત્ત પુનઃ પુનઃ પાપ થવા દેતું નથી અને થાય તો પણ પૂર્વે થતું હતું તેવા ભાવથી તો થતું જ નથી. ત્યાર પછી ચિત્તની નિર્મળતાથી પ્રાપ્ત થયેલા હર્ષને પ્રગટ કરવા માટે પ્રગટ લોગસ્સ બોલાય છે. ૨. પછી ખમાસમણ દઈ ઇચ્છાકારેણ સંદિસહ ભગવન્! મુહપત્તિ પડિલેહું “ઇચ્છ.” કહીને મુહપત્તિનું પડિલેહણ કરવું. ત્યારબાદ ગુરુભગવંત પાસે આદેશ મંગાય છે. ઇચ્છાકારેણ સંદિસહ ભગવનું મુહપત્તિ પડિલેહું? ઇચ્છા વડે હે ભગવંત ! આપ આજ્ઞા આપો કે, હું મુહપત્તિનું પ્રતિલેખન કરું? ગુરુ કહે “પડિલેહ એટલે તું પ્રતિલેખન કર એવી અનુમતિ આપે. ત્યારે ગુરુના આદેશને પામી શિષ્ય પણ યથોચિત મુદ્રામાં બેસી બહારથી અન્ય જીવની યતના માટે મુહપત્તિના એક એક પડને અને પોતાની કાયાને પ્રતિલેખે છે. આ સાથે જ પોતાના આત્માનું પ્રતિલેખન કરવા મુહપત્તિના ૫૦ બોલની વિચારણા કરે છે. આ રીતની ક્રિયા દ્વારા કોઈપણ જીવની વિરાધના ક્યાંય મારાથી ન થઈ જાય તેવા ભાવ દ્વારા પોતાના અહિંસાને સંસ્કારોને તીવ્ર-તીવ્રતર કરે છે. આ જ કારણથી સામાયિક પારીને ગૃહકાર્ય કે અન્ય કાર્યમાં પ્રવૃત્ત થયેલા શ્રાવકની તમામ ક્રિયાઓ અન્ય કરતાં જુદી તરી આવે છે. તમામ ક્રિયામાં અહિંસાનો અને યતનાનો પરિણામ, પગલે પગલે જોવા મળે છે. ૩. પછી એક ખમાસમણ દઈને આદેશ માંગતાં પૂછયું કે, “ઇચ્છાકારેણ - સંદિસહ ભગવન્! સામાયિક પારું?” પછી યથાશક્તિ બોલી, વળી એક - ખમાસમણ દઈ “ઇચ્છાકારેણ સંસિહ ભગવન્! સામાયિક પાયું ?” એમ કહીને “તહત્તિ' કહેવું. પછી જમણો હાથ ચરવળા ઉપર સ્થાપીને એક નવકાર ગણીને સામાઈયવયજુરો, સૂત્ર બોલવું. આટલી ક્રિયા બાદ પણ શ્રાવકનું મન આવી ઉત્તમ ક્રિયાનો ત્યાગ કરવા તૈયાર થતું નથી, તો પણ સંસારની અન્ય ચિંતાઓને કારણે જ્યારે તેને લાગે

SR No.	005835
Book Title	Sutra Samvedana Part 01
Original Sutra Author	N/A
Author	Prashamitashreeji
Publisher	Sanmarg Prakashan
Publication Year	2008
Total Pages	244
Language	Gujarati
Classification	Book_Gujarati
File Size	13 MB

Page 234