Page Text
________________
શ્રી સામાયિક લેવાની વિધિ
કહ્યું છે, ‘શ્રેયાંસિ વિજ્ઞાનિ' સમતાને સાધવાનું કામ શ્રેયરૂપ છે. તેમાં અનેક બાહ્ય-અત્યંતર વિઘ્નોની સંભાવના છે. ઠંડી, ગરમી આદિ સ્વરૂપ અનેક પ્રકારના બાહ્ય વિઘ્નો છે અને સામાયિકમાં જરૂરી સાધનો, તે સિવાયની કોઈપણ સાધન-સામગ્રી કે અન્ય ભાવો પ્રત્યે જે મમત્વ કૃત બુદ્ધિ, તે અંતરંગ વિઘ્ન છે. આ વિઘ્ન તો સદા સાથે જ છે. એટલે, આ નવકારમંત્ર ગણતા પંચપરમેષ્ઠિનું સ્મરણ કરતા આ વિઘ્ન પણ મારું જાય, એવો સંકલ્પ કરાય છે.
૨૦૩
પ. પછી ‘ઇચ્છકારી ભગવન્ પસાય કરી સામાયિકદંડક ઉચ્ચરાવશોજી', એમ કહીને ગુરુ કે વિંડલ પાસે કરેમિ ભંતે સૂત્ર સાંભળવું અને ગુરુ ન હોય તો સ્વયં કરેમિ ભંતે સૂત્ર બોલવું.
એક નવકા૨ ગણીને સાધક ઉંચા સ્વરે બોલે કે, ‘ઇચ્છકારી ભગવન્ પસાય કરી સામાયિક દંડક ઉચ્ચરાવશોજી' - આપની ઇચ્છા હોય તો હે ભગવંત ! મારા ઉપર કૃપા કરીને મને સામાયિકની પ્રતિજ્ઞા સ્વરૂપ - સામાયિક દંડક (કરેમિ ભંતે સૂત્ર) ઉચ્ચરાવશોજી. અર્થાત્ આ સૂત્ર દ્વારા મને સામાયિકની પ્રતિજ્ઞા કરાવશોજી. આ શબ્દ સાંભળી, ગુરુભગવંત પણ સ્પષ્ટ શબ્દોચ્ચાર પૂર્વક ઉચ્ચ સ્વરે ‘કરેમિ ભંતે સૂત્ર’ બોલે છે અને સામાયિકની સાધક એક એક શબ્દોને અર્થની વિચારણા સાથે ઉપયોગપૂર્વક સાંભળે છે. આ શબ્દો સાંભળતા જ તેને થાય છે, હાશ ! દુનિયાભરના પાપથી અત્યારે છૂટ્યો, પૂર્વના પાપોનું પણ પ્રતિક્રમણ કરી કાંઈક હળવો થયો અને ભાવિમાં (૪૮ મિનીટમાં) પણ આવા પાપ નહિ થાય તે માટે સજાગ રહીશ, આ વસ્તુ ખાસ યાદ રાખવી જરૂરી છે કે, આવો ભાવ તેને જ આવે, જેને સૂત્રના અર્થ આવડતા હોય અને અત્યારે જે સૂત્ર-અર્થમાં જ ઉપયોગવાળો હોય. બાકી મનને ગમે ત્યાં રાખી ઉપયોગ વિના આ સૂત્ર બોલનાર કે, સાંભળનારને આવો કોઈ ભાવ આવી શકતો નથી.
૬. પછી એક ખમાસમણ દઈને પૂછવું કે, ‘ઇચ્છાકારેણ સંદિસહ ભગવન્ !
બેસણે સંદિસાહું ? ‘ઇચ્છ’ કહીને વળી એક ખમાસમણ દઈને પૂછવું કે ‘ઇચ્છાકારેણ સંદિસહ ભગવન્ ! બેસણે ઠાઉં ? ‘ઇચ્છું’ કહીને વળી એક ખમાસમણ દઈને પૂછવું કે ‘ઈચ્છાકારેણ સંદિસહ ભગવન્ ! સજ્ઝાય સંદિસાહું ?' ‘ઇચ્છું’ કહીને વળી એક ખમાસમણ દઈને પૂછવું કે, ‘ઇચ્છાકારેણ સંદિસહ ભગવન્ ! સજ્ઝાય કરું ?’ ‘ઇચ્છું’ કહી બે હાથ જોડી
ત્રણ નવકાર ગણવા.
| SR No. | 005835 |
| Book Title | Sutra Samvedana Part 01 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2008 |
| Total Pages | 244 |
| Language | Gujarati |
| Classification | Book_Gujarati |
| File Size | 13 MB |