________________
સામાયિક લેવાની વિધિ
સામાયિક એટલે સમતાભાવને પ્રાપ્ત કરવાનો પ્રયત્ન. આ પ્રયત્ન વિધિપૂર્વક કરાતી સામાયિકની પ્રતિજ્ઞાથી થઈ શકે છે. જો સામાયિક, શાસ્ત્રમાં બતાવેલી વિધિ અનુસાર સ્વીકારવામાં આવે તો સમતાનો ભાવ સુંદર રીતે સહેલાઈથી પ્રાપ્ત થઈ શકે છે. માટે શાસ્ત્રમાં સામાયિક લેવા માટેની જે વિધિ બતાવી છે, તે વિધિને સાધકે જાણી લેવી જોઈએ.
સૌ પ્રથમ સામાયિક કરનાર સાધકે આટલા મુદ્દા ધ્યાનમાં લેવા યોગ્ય છે. ૧. સામાયિક ધર્મના અધિકારી કોણ છે ? ૨. સામાયિકનું સ્વરૂપ શું છે ? ૩. સામાયિક કઈ વિધિથી ગ્રહણ કરવું જોઈએ? ૪. સામાયિકમાં આવતા સૂત્રના અર્થ શું છે ? ૫. સામાયિક વ્રતનો સ્વીકાર કરીને સામાયિકના કાળમાં કરવાનું શું ? ૯. અને સામાયિક કરીને આપણે મેળવવાનું શું ? ૭. સામાયિક કઈ વિધીથી પારવું જોઈએ ?
