Sutra Samvedana Part 01

SR No.: 005835
Original Sutra Author: N/A
Author: Prashamitashreeji
Publisher: Sanmarg Prakashan
Publication Year: 2008
Total Pages: 244
Language: Gujarati
Classification: Book_Gujarati
File Size: 13 MB

Page 170

શ્રી લોગસ્સ સૂત્ર
તેઓ તો શ્રુતધર્મના આલંબનથી પુણ્યાનુબંધી પુણ્ય બાંધી, ઉત્તમ સદ્ગતિની પરંપરા પ્રાપ્ત કરી, અંતે સર્વ કર્મનો ક્ષય કરી મોક્ષસુખને જ પ્રાપ્ત કરે છે.
૧૪૩
પ્રવચનની જેમ પ્રવચન જેમાં પ્રતિષ્ઠિત છે, તેવો શ્રમણપ્રધાન ચતુર્વિધ સંઘ પણ ભાવતીર્થ કહેવાય છે. કેમ કે, આ શ્રમણપ્રધાન ચતુર્વિધ સંઘના આધારે પણ ભવ્યાત્માઓ સંસારસાગર તરી શકે છે.
આ પદ બોલતાં એવો ભાવ પ્રગટ કરવાનો છે કે, પરમાત્માએ ધર્મતીર્થની સ્થાપના કરી માટે જ તેમની અનુપસ્થિતિમાં આજે પણ આપણે સંસારસાગર તરવા માટે પ્રયત્ન કરી શકીશું. આ શાસનને પામી પુણ્યાનુબંધી પુણ્ય પ્રાપ્ત કરીને સદ્ગતિની પરંપરા દ્વારા શિવગતિ પ્રાપ્ત કરી શકીશું. આ રીતે પરમાત્માના ઉપકારને યાદ કરી તેમના પ્રત્યે અત્યંત કૃતજ્ઞતા પ્રગટ કરી ભગવાન પ્રત્યેનો આદર વધારી તેમને વંદન કરવું જોઈએ.
fout: 18-11-7,
રાગ-દ્વેષાદિ સમસ્ત આંતરશત્રુઓને યાને ભાવશત્રુઓને જીતનારા જિન કહેવાય છે. રાગ-દ્વેષ અને મોહ આત્મામાં રહીને જ આત્માનું નિકંદન કાઢે છે, માટે તેમને આંતરશત્રુ કહેવાય છે. આ શત્રુઓ જ દુઃખદાયી છે, તેથી તે ખરા અર્થમાં શત્રુ છે. જો આ શત્રુની હાજરી ન હોય તો બહારના કોઈ શત્રુ દુઃખ આપી શક્તા જ નથી. માટે જ બહારના શત્રુઓ એ ખરેખર શત્રુ જ નથી.
અનાદિકાળથી જીવ આ આંતરશત્રુઓને વશ થયેલો છે. આ આંતરશત્રુઓ જે પરિણામ અને પ્રવૃત્તિઓ કરાવે તે પ્રમાણે જીવ પરિણામો અને પ્રવૃત્તિ કરે છે. આ શત્રુના સકંજામાં ફસાયેલો જીવ પોતાના હિતાહિતનો કદી વિચાર કરી શકતો નથી: રાગાદિનાં નિમિત્તો સામે આવતાં તે તેને આધીન બની જાય છે, પણ ક્યારેય રાગાદિને પોતાને આધીન નથી બનાવી શકતો. ઋષભાદિ ચોવીસ તીર્થંકરોએ આ રાગાદિ શત્રુઓને ઓળખી તેને નિર્મૂળ કરી નાંખ્યાં છે. તેથી ઋષભાદિ ચોવીસ તીર્થંકરો રાગાદિને જીતનારા જિન કહેવાય છે.
અરિહંતે વિત્તફÄ : અરિહંતોનું હું કીર્તન કરીશ.
રાગાદિ શત્રુનો જેણે નાશ કર્યો છે. જેમને હવે જન્મ લેવાનો નથી, વળી અશોકવૃક્ષ, સુરપુષ્પવૃષ્ટિ આદિ અષ્ટ મહાપ્રાતિહાર્યથી, ૨જત-સુવર્ણ-રત્નનું