Page Text
________________
નિવેદન
પંચમકાળ જિનબિંબ જિનાગમ ભવિયણ કો આધારા.” સારાકાળમાં યોગ્ય આત્માઓને તરવાના અનેક સાધનો હોય છે. પરંતુ પાંચમા આરા જેવા વિષમકાળમાં ભવ્ય પ્રાણીઓને તરવાનું સાધન માત્ર જિન બિંબ અને જિનાગમ છે.
જિનાગમ એટલાં વિસ્તૃત પ્રમાણમાં છે કે, તેને સર્વાગીણ જોવાની શક્તિ સામાન્ય જનની હોતી નથી. તેથી સામાન્ય માણસ પણ પોતાનું આત્મકલ્યાણ સાધી શકે તે હેતુથી આગમોના સારને ગ્રહણ કરી પૂર્વ પુરુષોએ પ્રાકૃત ભાષામાં અનેક સૂત્રોની રચના કરી છે. આ સૂત્રો અપેક્ષાએ કદમાં નાનાં અને ભાવસભર હોઈ સર્વ કોઈ આ સૂત્રને ભણી પોતાનું આત્મકલ્યાણ સાધી શકે છે.
કદમાં નાનાં એવાં પણ આ એક એક સૂત્રમાં મોક્ષસાધનાનાં રહસ્યો ઠાંસી ઠાંસીને ભરેલાં છે. એક એક સૂત્રમાં હેયભૂત આશ્રવનાં ભાવોનો ત્યાગ કરાવી મોક્ષમાર્ગ માટે ઉપયોગી એવા સંવરભાવને પ્રાપ્ત કરાવવાની અને જડ પ્રત્યેની પ્રીતિને તોડાવી સમગ્ર જીવરાશી ઉપર મૈત્રીભાવ પેદા કરાવવાની અનુપમ શક્તિ જોવા મળે છે. અરિહંતાદિ ઉત્તમ તત્ત્વોનું શરણ, દુષ્કૃત ગહ અને સુકૃતની અનુમોદના દ્વારા કર્મના અશુભ અનુબંધોને તોડાવી ઉત્તરોત્તર ગુણવૃદ્ધિ દ્વારા મોક્ષ સુધી લઈ જવાનું અનુપમ સામર્થ્ય આ સૂત્રોમાં ભરેલું છે.
આ સૂત્રોનાં માધ્યમે જ આફતોમાંથી ઉગરી આત્મકલ્યાણના માર્ગે આગળ વધેલા સુદર્શન શેઠ, અમરકુમાર, સતી શ્રીમતી આદિના અનેક પ્રસંગો શાસ્ત્રોમાં જોવા મળે છે. “દગમટ્ટી” - આટલાં નાના પદનું ચિંતન કરતાં પોતાનાં કરેલાં દુષ્કતોની આલોચના કરતાં અઈમુત્તા મુનિને કેવળજ્ઞાન થયું અને “ઉપશમ, વિવેક અને સંવર' - આ ત્રણ પદની અનુપ્રેક્ષા કરતાં ચિલાતી પુત્ર કષાયનો ત્યાગ કરી, વિવેકભાવને પ્રાપ્ત કરીને, સર્વ સંવરભાવને ધારણ કરી મુક્તિપથના પથિક બન્યા.
જે સૂત્રનાં એકએક પદની આવી અચિંત્ય શક્તિ છે, તે જ સૂત્ર આપણને સૌને પણ મળ્યા છે અને તે સૂત્રનો ઉપયોગ આપણે રોજની ધર્મક્રિયામાં કરીએ છીએ. આમ છતાં આ સૂત્ર દ્વારા જેવા પ્રકારનો લાભ થવો જોઈએ
| SR No. | 005835 |
| Book Title | Sutra Samvedana Part 01 |
| Original Sutra Author | N/A |
| Author | Prashamitashreeji |
| Publisher | Sanmarg Prakashan |
| Publication Year | 2008 |
| Total Pages | 244 |
| Language | Gujarati |
| Classification | Book_Gujarati |
| File Size | 13 MB |