________________
પૂજ્ય શ્રી લલ્લુજી મુનિ
ભલે તે ભાષા સંસ્કૃત હોય, પ્રાકૃત હોય કે ગુજરાતી હોય) જ્ઞાન પીરસાવું જોઈએ. જ્યાં ગુજરાતી ભાષા વપરાશમાં હોય ત્યાં સંસ્કૃત-પ્રાકૃત ભાષા તિજોરીમાં રાખેલ ધન જેવી છે. જેમ તિજોરીમાં રાખેલાં નાણાં ધિરાય તો વ્યાજ મળે; તેમ ગુજરાતી ભાષા દ્વારા તે ગ્રંથોના ગૂઢ ભાવોને સમજાવવામાં આવે તો જ તે સંસ્કૃત-પ્રાકૃત ભાષાના ગ્રંથો ઉપયોગી તથા લોકપ્રિય બને.
પરમકૃપાળુદેવની સૂક્ષ્માતિસૂક્ષ્મ ધર્માનુભૂતિને તંતોતંત શબ્દોબદ્ધ કરવામાં ગુજરાતી ભાષા કાર્યક્ષમ નીવડી છે. પરમકૃપાળુદેવ સરળ અને સુબોધક શૈલીથી અધ્યાત્મના ગૂઢ ભાવો સાંગોપાંગપણે ગુજરાતી ભાષામાં પ્રગટ કરી શક્યા છે, તેથી આ કૃતિનું મહત્ત્વ કોઈ સંસ્કૃત-પ્રાકૃત સર્જન કરતાં જરા પણ ઓછું આંકી શકાય નહીં.
(૨) ગહન વિષયનું સરળ નિરૂપણ
જગતનું મહાન કાવ્ય તો તે જ ગણી શકાય કે જેણે મનુષ્યનો જીવનપથ ઉજાળ્યો હોય. ઉત્તમોત્તમ કવિતા આનંદની અનુભૂતિ સાથે જીવનનું દર્શન પણ કરાવે છે. કવિ હોવા ઉપરાંત જે ગંભીર તત્ત્વચિંતક નથી, તે પુરુષ કદી પણ મહાકવિ બની શકતો નથી. મહાકવિમાં પ્રજ્ઞાની ઊંચાઈ અને હૃદયની . ઊંડાઈ હોવાથી કઠિનમાં કઠિન વિષયને સરળમાં સરળ રીતે રજૂ કરવાની વિશિષ્ટ શક્તિ હોય છે.
ચિંતનને કવિતામાં રજૂ કરતી રચનાઓમાં શ્રી આત્મસિદ્ધિ
૧૨૩
