________________
પેરે પૂછ્યું. પણ તેણે પૌષધ પાર્યા પછી પણ વસુદત્ત અનર્થ થવાના ભયથી સત્ય હકીકત રાજાને જણાવી નહિ, તેથી રાજાએ ભારે વિડંબનાપૂર્વક તેને વધસ્થાનકે મોકલ્યો. પણ તેના સત્ત્વ અને સત્યના પ્રભાવથી શાસનદેવતાએ શૂળિ સિંહાસન રૂપ અને પ્રહાર આભૂષણ રૂપ કરી દીધા. ધર્મની મોટી ભારે પ્રભાવના થઈ. રાજાએ આવી નાગદત્તનો ભારે સત્કાર કર્યો અને વસુદત્તને દેશનિકાલ કર્યો. અનુક્રમે નાગશ્રીને પરણી ચિરકાયપર્યંત વિષયસુખ ભોગવી અંતે વૈરાગ્યથી સ્ત્રી સાથે દીક્ષા લઈ સ્વર્ગે ગયો. યાવત્ મોક્ષ પામેશે.
ચંપાપુરીસ્વામી કીર્તિચંદ્ર નૃપની કથા (ગાથા-૧૬૨)
ચંપાપુરીમાં કીર્તિચંદ્ર રાજા રાજ્ય કરે છે. તેનો સમરવિજય નામનો લઘુબંધુ યુવરાજ્યદે છે. એકદા વર્ષાકાળે ક્રીડા અર્થે રાજા પ્રમુખ નાવ ઉપર આરૂઢ થઈ ક્રીડા કરવા લાગ્યા. એટલામાં નદીમાં એવું મોટું પૂર આવ્યું કે નાવાઓ જુદી જુદી દિશાઓ તરફ વહી ગઈ, અને જોતજોતામાં રાજાની નાવ અદૃશ્ય થઈ ગઈ. તે નાવ દૂર જતી માર્ગમાં કોઈ વૃક્ષના મૂળે અથડાઈ ઊભી રહી એટલે રાજા પ્રમુખ તેમાંથી ઊતરી કાંઠે આવ્યા. ત્યાં નૃપતિએ નદીની ભેખડમાં દટાઈ ગયેલું મણિરત્નનું નિધાન દેખ્યું. તે પોતાના ભાઈને બોલાવી બતાવ્યું. તે જોતાં જ ભાઈની નિયત બગડવાથી તેણે નૃપતિને મારવા સાહસ ઘા કર્યો. તે ઘા વંચીને અર્થને અનર્થનું કારણ જાણી તે મણિનિધાનને એમનું એમ અનામત મૂકી પોતે ચાલી નીકળ્યો. યુવરાજે નિધાન તરફ જોયું તો તેના કમભાગ્યથી તેની નજરે પડ્યું નહિ. નૃપતિ જ્ઞાની ગુરુને તેનું કારણ પૂછી, સાંભળી, ભવવિરક્ત થઈ, દીક્ષા ગ્રહી સદ્ગતિ પામ્યો; અનુક્રમે મહાવિદેહક્ષેત્રમાં અવતરી મોક્ષપદ પામશે.
श्री पुष्पमाला प्रकरण
१६३
